Չեմ կարծում, որ «ՌԴ կողմից սատարում» արտահայտությունը ճիշտ է. Սիմոնյանը՝ Քոչարյանի մասին

Որեւիցե երկիր չպետք է խառնվի Հայաստանի Հանրապետության քրեական օրենսգրքի գործողությանն ու ներքին գործերին։ Այս մասին այսօր լրագրողների հետ զրույցում ասաց ԱԺ փոխնախագահ Ալեն Սիմոնյանը՝ անդրադառնալով ՀՀ-ում ռուսական որոշ լրատվամիջոցներին ուղղված ՀՀ վարչապետ Նիկոլ Փաշինյանի կոչը՝ որդեգրել չեզոք դիրքորոշում ՀՀ երկրորդ նախագահ Ռոբերտ Քոչարյանի առնչությամբ:


News.am-ի հաղորդմամբ, լրագրողի հարցին՝ Ռուսաստանի կողմից Քոչարյանի նկատմամբ սատարում ԱԺ փոխնախագահը չի տեսնում, նա պատասխանեց. «Ես չեմ կարծում, որ «Ռուսաստանի կողմից սատարում» արտահայտությունը ճիշտ է, վերջիվերջո դա ՀՀ ներքին գործն է, ինչպես մենք չենք խառնվում որեւիցե երկրի ներքին գործերին, այնպես էլ որեւիցե այլ երկիր չպետք է խառնվի Հայաստանի Հանրապետության քրեական օրենսգրքի, մնացած օրենքների գործողությանն ու ներքին գործխերին։ Կարծում եմ՝ այդ ուղերձը բազմիցս արվել է եւ հետեւություններ մեր գործընկերները կանեն»։


Ալեն Սիմոնյանը վստահեցրեց, որ Ռուսաստանի իր գործընկերները միանշանակ վերբերմունք չունեն Քոչարյանի հարցում. «Միեւնույն ժամանակ ուզում եմ շեշտել, որ Ռուսաստանի մեր գործընկերների հետ մասնավոր զրույցներում վստահեցնում եմ ընդհանուր ռուսական կողմից միանշանակ տրամադրվածություն նրա նկատմամբ չկա»։


 


Նշումներ:

Էջի հասցեն: https://verelq.am/hy/node/45764