Ըստ Հնդկաստանում ՀՀ դեսպանության նախնական տվյալների՝ Շրի Լանկայում տեղի ունեցած պայթյունների հետևանքով տուժածների շրջանում ՀՀ քաղաքացիներ կամ ազգությամբ հայեր չկան։
Այս մասին հայտնում են ՀՀ ԱԳՆ-ի մամուլի ծառայությունից՝ նշելով, որ զարգացումների վերաբերյալ դեսպանությունը կհայտնի հավելյալ:
Շրի Լանկայում ապրիլի 21-ի առավոտյան տեղի ունեցած պայթյունների զոհերի թիվը հասել է 290-ի, ևս 500 վիրավոր կա: Այս տվյալները վերջնական չեն, քանի որ հարյուրավոր մարդիկ հիվանդանոցներում են:
Ապրիլի 21-ին Շրի Լանկայի տարբեր եկեղեցիներում և հյուրանոցներում 8 պայթյուն է եղել: Երկրում պարետային ժամ է հայտարարվել:
Տեղական իշխանությունները հայտնում են, որ զոհվածների թվում առնվազն 27 օտարերկրացի կա, այդ թվոմ Մեծ Բրիտանիայի, ԱՄՆ-ի, Թուրքիայի, Պորտուգալիայի, Հնդկաստանի և Նիդերլանդների քաղաքացիներ, գրում է Պանարմենիանը:
Էջի հասցեն: https://verelq.am/hy/node/45693