Ռուսաստանի և Հայաստանի առաջնորդները կհանդիպեն մայիսի 29-ին Նուր-Սուլթանում կայանալիք ԵԱՏՄ գագաթաժողովի շրջանակներում: Այս մասին ՀՀ ԱԺ նախագահ Արարատ Միրզոյանի հետ հանդիպմանը հայտարարել է ՌԴ Դաշնային ժողովի Դաշնության խորհրդի նախագահ Վալենտինա Մատվիենկոն:
«մեր երկրների առաջնորդները նախորդ տարի յոթ անգամ հանդիպել են, նրանք գտնվում են մշտական կապի մեջ: Մայիսի 29-ին նրանք կհանդիպեն ԵԱՏՄ գագաթաժողովի ժամանակ, որը կանցկացվի Ղազախստանում»,- ասել է նա:
Մատվիենկոն նաև հիշեցրել է, որ հոկտեմբերի 1-ին «նմանատիպ միջոցառում է տեղի ունենալու նաև Երևանում», և Պուտինն ու Փաշինյանը հնարավորություն կունենան հանդիպել այդ ժամանակ ևս: Բացի այս, Մատվիենկոն հիշեցրել էր, որ արդեն ապրիլի 29-ին Հայաստան աշխատանքային այցով կայցելի ՌԴ վարչապետ Դմիտրի Մեդվեդևը:
Էջի հասցեն: https://verelq.am/hy/node/45606