Հայաստանի արտաքին գործերի նախարար Զոհրաբ Մնացականյանը մեկնաբանեց մամուլում տարածված հաղորդագրություններն այն մասին, թե իբր մարտի 21–22–ին գաղտնի այցելել է Մոսկվա։ Sputnik-ի ու Yerkir.am–ի հետ հարցազրույցում նա նշեց, որ մարտի 22–ին Երևանում չի եղել, բայց դա լիովին մտնում է արտգործնախարարի գործառույթի մեջ։

«Ոչ մի թաքուն բան չի եղել իմ գործողություններում։ Անհեթեթություն է ենթադրել, թե կառավարության անդամները կարող են սխալ քայլեր անել», – ավելացրել է Մնացականյանը։

Նախարարի խոսքով` ինքն իր գործառույթներն ունի, իր աշխատանքը։ Ու այդ գործառույթի իրականացումը ենթադրում է ինչպես բանակցություններ հեռախոսով, այնպես էլ հանդիպումներ Երևանում ու դրսում։ «Ես իմ աշխատանքն եմ կատարում, մնացած կոնսպիրատիվ մտորումները ժամանակի վատնում են ինչպես դրանց հեղինակների, այնպես էլ ինձ համար», – ասաց նախարարը։

Նախարարի մոսկովյան «գաղտնի այցի» մասին գրել էր «168 ժամ» թերթը։ Պարբերականը նշել էր, որ Մնացականյանը հանդիպել էր ռուս գործընկեր Սերգեյ Լավրովի հետ Հայաստանի վարչապետ Նիկոլ Փաշինյանի ու Ադրբեջանի նախագահ Իլհամ Ալիևի հանդիպմանն ընդառաջ։ Չհաստատված տեղեկության համաձայն` Հայաստանի ու Ադրբեջանի առաջնորդների հանդիպումը պետք է կայանա Վիեննայում մարտի 29–ին։