Թմրանյութերի ազատ վաճառքի, շրջանառության ու օգտագործման մասին որևէ նախաձեռնություն չկա. ԱՆ

Վերջին օրերին համացանցում ակտիվ շրջանառվում է այն թեզը, թե ԱԺ «Իմ քայլը» դաշինքի պատգամավորների մեծամասնությունը կողմ է մարիխուանայի օգտագործման լեգալացմանը: Այս խոսակցությունների ֆոնին էլ համեմատական է տարվում առողջապահության նախարարության` հասարակական վայրերում ծխելն արգելելու նախաձեռնության հետ:

Առողջապահության նախարար Արսեն Թորոսյանը այս կապակցությամբ հանդես է եկել հայտարարությամբ.

«Հերթական մանիպուլյացիան է նետվել համացանց, թե իբր «արգելելու են թութունը, որ թույլատրեն պլանը» ու իրենք տարածում, իրենք ուրախանում են իրենց ստի վրա։

Սուտ 1. Ոչ ոք չի արգելում ծխելը չնայած նրան, որ այն տարեկան սպանում է մեր հազարավոր քաղաքացիների, այլ սահմանափակվելու են փակ հանրային վայրերում ծխախոտային արտադրատեսակների օգտագործումը, որպեսզի կանխարգելվի այդ «սպանդը»։

Սուտ 2. Թմրանյութերի ազատ վաճառքի, շրջանառության ու օգտագործման մասին որևէ նախաձեռնություն չկա և չի կարող լինել և ձեր վառ երևակայությունը լավ կլինի պահեք ձեզ։ Ես ինքս կարգելակեմ ցանկացած նման նախաձեռնություն, քանի դեռ կառավարության անդամ եմ, եթե որևէ մեկի մտքով նման բան անցնի։ Վստահ եմ նույնը կանի մեր ամբողջ կառավարությունը»,- գրել է նախարարը Facebook-ի իր էջում:։


 


 


 


Նշումներ:

Էջի հասցեն: https://verelq.am/hy/node/42982