ԱՄՆ-ը սատարում է ղարաբաղյան հակամարտության խաղաղ կարգավորմանը: Այս մասին Բաքվում ասուլիսի ժամանակ հայտարարել է ԱՄՆ նախագահ Դոնալդ Թրամփի ազգային անվտանգության հարցերով խորհրդական Ջոն Բոլթոնը:
«Ղարաբաղյան հակամարտության կարգավորումը կարևոր, ստրատեգիական նշանակություն ունի մեզ համար: Մենք հասկանում ենք, որ հակամարտության խաղաղ կարգավորումը կարևոր նշանակություն ունի ոչ միայն Հայաստանի և Ադրբեջանի համար, այլև կարող է ազդել աշխարհում առկա իրավիճակի վրա»,- ասել է նա:
Նա նաև հավելել է, որ ԱՄՆ-ն, որպես ԵԱՀԿ Մինսկի խմբում համանախագահող երկիր, սատարում է ղարաբաղյան հակամարտության խաղաղ ճանապարհով կարգավորմանը:
Նշենք, որ նախօրեին երեկոյան Ջոն Բոլթոնը ժամանեց Հայաստան: Բոլթոնը Հայաստանում հանդիպում է ունենալու վարչապետի պաշտոնակատար Նիկոլ Փաշինյանի, Անվտանգության խորհրդի քարտուղար Արմեն Գրիգորյանի, պաշտպանության նախարարի պաշտոնակատար Դավիթ Տոնոյանի և արտաքին գործերի նախարարի պաշտոնակատար Զոհրաբ Մնացականյանի հետ:
Քննարկվելու է երկկողմ օրակարգային հարցերի լայն շրջանակ:
Էջի հասցեն: https://verelq.am/hy/node/37868