Իրանի Պաշտպանության նախարար, բրիգադային գեներալ Ամիր Հաթամին հայտարարել է, որ ԱՄՆ-ն փորձում է տնտեսական ճնշումներով ու դաժան շրջափակումներով Իրանի ժողովրդին հետ կանգնեցնել իր հեղափոխական ուղուց: Սակայն Իրանի ժողովուրդը երբեք չի ընկրկելու թշնամու առջև: Այս մասին հաղորդում է ԻՌՆԱ լրատվական գործակալությունը:
Նա ԱՄՆ-ին և Սիոնիստական ռեժիմին համարել է Իրանի գլխավոր թշնամիները: «ԱՄՆ ուղեղային կենտրոնը և Սիոնիստական ռեժիմը փորձում են Իրանի ժողովրդի դեմ ճնշում գործադրելով և նրան ահաբեկելով, հեռացնել ասպարեզից, բայց նրանց երբեք դա չի հաջողվի»,- ասել է նա:
Խոսքն ուղղելով Իրանի թշնամիներին, Իրանի Պաշտպանության և Զինված ուժերի աջակցման նախարարն ընդգծել է. «ԻԻՀ այսօր ռազմական արտադրանքների առումով ինքնաբավ է և աշխարհի ոչ մի ուժից կախում չունի»:
Գեներալ Հաթամին նաև նշել է, որ Իրանի ժողովուրդը ինչպես պարտադրյալ պատերազմում հաղթեց , այդպես էլ կհաղթի տնտեսական պատերազմում:
Էջի հասցեն: https://verelq.am/hy/node/36685