Հայտնի ռուսաստանաբնակ գործարար, միլիարդատեր Սամվել Կարապետյանի «Տաշիր» ընկերությունների խումբն ընդգրկվել է Forbes-ի 2018 թվականի «ՌԴ 200 խոշորագույն մասնավոր ընկերությունների» վարկանիշում: Ընկերությունը վարկանիշի 48-րդ հորիզոնականում է:
Ըստ պարբերականի, «Տաշիր» ընկերությունների խմբի հասույթը 2018-ին կազմել է 164 մլրդ ռուբլի: Հոլդինգի անձնակազմում 45.000 աշխատակից կա: Վերջին ցուցանիշով «Տաշիրը» զբաղեցնում է 16-րդ հորիզոնականը:
Վարկանիշը գլխավորում է «Լուկօյլը», որի եկամուտը 2018-ին կազմել է 5475,2 մլրդ ռուբլի:
Էջի հասցեն: https://verelq.am/hy/node/36669