Վրաստանի վարչապետ Մամուկա Բախտաձեի պաշտոնական այցն ԱՄՆ սկսվել է նախագահ Դոնալդ Թրամփի՝ ազգային անվտանգության հարցերով խորհրդական Ջոն Բոլթոնի հետ հանդիպումով: Հանդիպման ընթացքում կողմերը քննարկել են տարածաշրջանում տիրող իրավիճակը, Վրաստանի առջև ծառացած մարտահավերներն ու երկկողմ ռազմավարական հարաբերություններին վերաբերող հարցերը: Այս մասին հաղորդում է Վրաստանի կառավարության մամլո ծառայությանը:
«Մենք քննարկել ենք Վրաստանի առջև ծառացած մարտահրավերներն ու ԱՄՆ-ի դերը՝ դրանք համատեղ ուժերով հաղթահարելու գործում: Մենք նաև քննարկել ենք տարածաշրջանում տիրող իրավիճակը և տնտեսական այլ հարցեր: Մեզ համար շատ կարևոր է տնտեսական ոլորտում մեր հարաբերությունների ամրապնդումը: Այս ուղղությամբ վրացական կառավարությունն իր ծրագիրն է ներկայացրել պարոն Բոլթոնին»,- հայտարարել է Վրաստանի վարչապետը:
Էջի հասցեն: https://verelq.am/hy/node/36104