Հայաստանում սահմանադրական փոփոխությունների կարելի է գնալ միայն քաղաքական կոնսենսուսի միջոցով: Այս մասին խորհրդարանում լրագրողների հետ ճեպազրույցում հայտարարեց ԱԺ նախագահ Արա Բաբլոյանը:
Նրա խոսքով, դեռ նման առաջարկ չի ստացվել՝ մեկնարկել սահմանադրական փոփոխությունների գործընթաց, բայց միանշանակ է, որ դա քաղաքական գործընթաց է և քննարկման, կոնսենսուսի արդյունքում կարող է լինել միայն.
«Սա նշանակում է, որ դա չի կարող լինել մեկ կամ երկու մարդու կամ քաղաքական գործչի ցանկություն: Դա պետք է լինի կոնսենսուսի արդյունք», - ասաց ԱԺ նախագահը: Ճշտող հարցին՝ ինչպես է պատկերացնում այդ կոնսենսուսը, Բաբլոյանն արձագանքեց՝ քննարկումների և բանակցությունների միջոցով:
Ինչ վերաբերում է արտահերթ ԱԺ ընտրություններին, ապա նա նշեց, որ այսօր հստակ չեն նաև դրա անցկացման ժամկետները: Ըստ նրա, այդ գործընթացի համար ԱԺ-ում ստեղծվել է աշխատանքային խումբ, այն աշխատում է օրենսդրության փոփոխությունների վրա.
«Աշխատանքները դեռ չեն ավարտվել», - հավելեց Արա Բաբլոյանը:
Էջի հասցեն: https://verelq.am/hy/node/35752