Իրանական իսլամական հեղափոխության պահապանների կորպուսը (ԻՀՊԿ) հաստատել է Իրանական Քուրդիստանի Դեմոկրատական կուսակցության՝ Իրաքի տարածքում գտնվող շտաբի ուղղությամբ հասցված հրթիռային հարվածը, հայտնում է «ՌԻԱ Նովոստի»-ն՝ վկայակոչելով Tasnim գործակալությանը։
Համաձայն ԻՀՊԿ հայտարարության՝ ԻՀՊԿ զինծառայողներին հաջողվել է տապալել Իրանի ազգային անվտանգության դեմ դավադրությունը, ինչպես նաեւ չեզոքացնել եւ վիրավորել խմբավորման մի քանի տասնյակ ղեկավարների ու հիմնական զինյալներին։
Ավելի վաղ քրդական Rudaw հեռուստաալիքը հայտնել էր, որ սեպտեմբերի 8-ին Իրանի զինվորականները հրթիռային հարված են հասցրել Իրանական Քուրդիստանի Դեմոկրատական կուսակցության շտաբի ուղղությամբ, ավելի քան տասնյակ մարդիկ զոհվել են, 30-ն էլ վիրավորվել է։ Հարվածը հասցրել են Իրաքյան Քուրդիստանի մայրաքաղաք Էրբիլից արեւելք տեղակայված Քեյ Սանջակ քաղաքում։ Հեռուստաալիքի տվյալներով՝ վիրավորների թվում է Իրանի քրդական կուսակցության գլխավոր քարտուղար Մուստաֆա Մավլյուդին։
Էջի հասցեն: https://verelq.am/hy/node/35676