Այսօր առավոտվանից լուրեր են շրջանառվում, որ ԱԱԾ-ն երեկ հատուկ գործողություններ է իրականացրել Հովիկ Աբրահամյանին պատկանող տարածքներում: Ըստ որոշ տեղեկությունների՝ գործողությունները շարունակվել են նաև այսօր:
ԱԱԾ-ն դեռ հանդես չի եկել պաշտոնական հաղորդագրությամբ և չի պարզաբանել, թե ո՞րն է հիմքը, որ նման գործողություններ են իրականացվել: Ընդ որում՝ այն տանը, որտեղ ՀՀ նախկին վարչապետը վաղուց չի բնակվում: VERELQ-ի աղբյուրների հաղորդմամբ՝ հատուկ գործողությունները պայմանավորված են Մարտի 1-ի գործով: Հիշեցնենք, 2007-2008 թվականներին Հովիկ Աբրահամյանը զբաղեցրել է ՀՀ փոխվարչապետի պաշտոնը։
Քիչ առաջ լուրեր տարածվեցին, թե ձերբակալվել է Հովիկ Աբրահամյանի եղբայրը՝ ԱԺ նախկին պատգամավոր Ջոնիկ Աբրահամյանը: Սակայն ոստիկանությունից հայտնել են, որ նման անուն-ազգանունով անձ չի ձերբակալվել:
Էջի հասցեն: https://verelq.am/hy/node/34507