Երեկ՝ հուլիսի 16-ին, կառավարական առանձնատանը տեղի է ունեցել ՀՀ վարչապետ Նիկոլ Փաշինյանի և առաջին նախագահ Լևոն Տեր-Պետրոսյանի հանդիպումը: Այս մասին հայտնում է ՀՀ կառավարության Facebook-յան էջում:
Առաջին նախագահը իր տեսակետներն է հայտնել Հայաստանի առջև ծառացած մի շարք մարտահրավերների հաղթահարման ուղիների վերաբերյալ: Քննարկվել են արտաքին քաղաքականությանը եւ Արցախյան հիմնախնդրին վերաբերող հարցեր:
Հանդիպումը տեղի է ունեցել Լևոն Տեր-Պետրոսյանի նախաձեռնությամբ:
Հիշեցնենք, մարտի 1-ի դեպքերից ընդամենը մի քանի տարի անց Լևոն Տեր-Պետրոսյանի և Նիկոլ Փաշինյանի հարաբերությունները կտրուկ վատացան: Բանը հասավ անգամ նրան, որ Փաշինյանը ԱԺ ՀԱԿ խմբակցությունից տարանջատվեց և վարում էր անկախ պատգամավորի գործունեություն: Նաև բավականին թափանցիկ ակնարկներ անում Տեր-Պետրոսյանի հասցեին: Օրինակ, Լևոն Տեր-Պետրոսյանի Սերժ Սարգսյանին հանսցեագրված հայտնի նամակըից հետո նա հայտարարել է.
«Նրանց համար, ովքեր չգիտեն՝ ասեմ, որ անցյալ ուրբաթ օրը ՀՀԿ խմբակցության ներկայացուցիչները իմ ներկայացրած նախագծի կապակցությամբ ՀԱԿ կուսակցության ներկայացուցիչ Գագիկ Ջհանգիրյանի ելույթից հետո ծափահարում էին, և ես ենթադրում եմ, որ ՀԱԿ –ՀՀԿ այդ միասնական դիրքորոշումը առաջացել է Սերժ Սարգսյան-Լևոն Տեր-Պետրոսյան խորհրդապահական շփման խողովակի միջոցով, որի մասին Տեր-Պետրոսյանը խոսել է իր վերջին բաց նամակում: Եվ ընդհանրապես, ուզում եմ ասել, որ Սերժ Սարգսյանին հանդիպման աղերսագրեր գրող քաղաքական ուժերը և գործիչները ինձ համար ընդամենը անցյալի գաղջ հիշողություն են և ես սրանից ավելի ասելու ոչինչ չունեմ»:
Էջի հասցեն: https://verelq.am/hy/node/33713