Մենք երբեք մեր հարևաններին և դաշնակիցներին չենք դրել ընտրության առաջ, թե ում հետ են իրենք՝ մեր, թե նրանց: Այս մասին Կոմերսանտի հետ հարցազրույցում ասել է ՌԴ փոխարտգործնախարար Գրիգորի Կարասինը՝ անդրադառնալով ՀՀ-ԵՄ համաձայնագրին:
Նա նշել է, որ Ռուսաստանը իր հարևաններին ու դաշնակիցներին միշտ վերաբերվել է որպես մարդկանց, որոնք ունեն կյանքի նկատմամբ իրենց հայացքներն ու արտաքին քաղաքականությունը: Կարասինի խոսքով՝ ՌԴ հարևանները հանդիսանում են սուվերեն պետություններ և դա վերաբերում է նաև ՀԱՊԿ-ի և ԵԱՏՄ-ի դաշնակիցներին. հասկանալի է, որ ժամանակակից աշխարհում նրանք զարգացնում են բազմավեկտոր շփումները, ինչը բնական է 21-րդ դարում:
«Մենք երբեք մեր հարևաններին և դաշնակիցներին չենք դրել ընտրության առաջ, թե ում հետ են իրենք՝ մեր, թե նրանց: Բայց մենք դաշնակցային հարաբերությունների առաջնահերթության իրավունք ունենք: Բացի այդ, համաձայնագրերը, որոնք ստորագրվում են այլ ձևաչափերում, այդ թվում և Արևլյան գործընկերության, չպետք է խախտեն այն պայմանավորվածությունները, որոնք մենք արդեն ունենք»,- հավելել է Կարասինը:
Էջի հասցեն: https://verelq.am/hy/node/26049