Դեկտեմբերի 25-ին Ադրբեջանում ձերբակալել են պաշտպանության նախկին նախարար Ռագիմ Գազիևին: Նրան բերման են ենթարկել ոստիկանության Նարիմանովի շրջանի վարչության 17-րդ բաժանմունք, գրում է contact.az-ը:
Ձրեբակալության մասին հայտնել է նախկին նախարարի եղբայրը՝ Ռահաբ Գազիևը: «Ինձ զանգահարեցին 17-րդ բաժնից և ասացին, որ եղբայրս այնտեղ է պահվում»,-ասել է նա: Գազիևի ձերբակալության պատճառների մասին ոչինչ չեն ասել:
Իրավապաշտպանները, որոնք հավաքվել էին ոստիկանության բաժանմունքի մոտ, կարծում են, որ Ռագիմ Գազիևին կարող էին ձերբակալել նախօրեին youtube-ի Kanal-13 համացանցային հեռուստատեսության եթերում Իլհամ Ալիևի և նրա հոր՝ Հեյդար Ալիևի, հասցեին կոշտ քննադատության համար:
Իրավապահ մարմինները ոչ մի տեղեկություն չեն տրամադրում Գազիևի ձերբակալության մասին:
Էջի հասցեն: https://verelq.am/hy/node/26000