Պուտինը հայտարարել է ՌԴ նախագահական ընտրություններին ինքնաառաջադրման մասին

Ռուսաստանի նախագահ Վլադիմիր Պուտինը ասել է, թե ինչ ձեւաչափով է մասնակցելու առաջիկա նախագահական ընտրություններին: Ուղիղ եթերով հեռարձակվող մամուլի ասուլիսի ժամանակ դեկտեմեբերի 14-ին նա հայտարարել է, որ նախագահական ընտրություններին իր մասնակցության ձեւաչափը լինելու է ինքնաառաջադրման տեսքով:


«Դա լինելու է ինքնաառաջադրում, բայց ես, իհարկե, հույս ունեմ, որ ինձ կաջակցեն այն քաղաքական ուժերն ու հասարակական կազմակերպությունները, որոնք կիսում են երկրի զարգացմանն ուղղված իմ հայացքները», - հայտարարել է նա, հայտնում է ՏԱՍՍ-ը: Նա նաեւ նշել է ,որ դեռ հաստակեցված չէ իր նախընտրական շտաբի ղեկավարի թեկնածությունը:


Բացի այդ ՌԴ նախագահը խոսել է իր նախընտրական ծրագրի մասին: «Այն գերթե պատրաստ է, սակայն այժմ անհարմար է այն ներկայացնել», - ասել է նա՝ հավելելով, որ Ռուսաստանը պետք է հայացքն ուղղի ապագային եւ ունենա ճկուն քաղաքական համակարգ:


Առաջին անգամ Պուտինն ընտրվել է 2000 թվականին` 4-ամյա ժամկետով, Բորիս Ելցինից հետո`1999-ին նա նշանակվել էր նախագահի ժամանակավոր պաշտոնակատար, 1 տարի անց ընտրություններում հաղթելով դարձավ ՌԴ նախագահ, երկրորդ անգամ նա հաղթեց 2004 թվականին, 2008-ին արդեն նա չէր կարող առաջադրվել ՌԴ նախագահի պաշտոնում, քանի որ ՌԴ սահամանդրության համաձայն, 1 անձը չի կարող 2 ժամկետից ավել անգամ կառավարել երկիրը, այդ տարի ՌԴ նախագահ ընտրվեց Դմիտրի Մեդվեդեւը, Պուտինը ստանձնեց երկրի կառավարության ղեկավարի պաշտոնը: 2012 թվականին նա կրկին առաջադրվեց ու ընտրվեց, այս անգամ փոփոխված կանոնադրության համաձայն` 6-ամյա ժամկետով:


Ռուսաստանի նախագահական ընտրությունները կայանալու են 2018 թվականի մարտի 18-ին:


Մինչ այդ ՌԴ նախագահական ընտրություններին մասնակցելու մտադրություն էին հայտնել լրագրող Եկատերինա Գորդոնը, հայտնի հեռուստահաղորդավար Քսենիա Սոբչակը, պոռնոաստղ Ելենա Բերկովան, Ռուսաստանի կոմունիստական կուսակցության (ՌԿԿ) նախագահ Գենադի Զյուգանովը եւ Ռուսաստանի լիբերալ դեմոկրատական կուսակցության առաջնորդ Վլադիմիր Ժիրինովսկիին:


Նշումներ:

Էջի հասցեն: https://verelq.am/hy/node/25633