Ադրբեջանի նախագահ Իլհամ Ալիեւը հայտարարել է, որ ԵԱՀԿ Մինսկի խմբի համանախագահների հետ շաբաթ Բաքվում կքննարկի Հայաստանի Հանրապետության նախագահ Սերժ Սարգսյանի հետ Ղարաբաղյան հակամարտության կարգավորման հարցով հնարավոր հանդիպումը, գրում է Ռիա Նովոստին:
Այդ մասին Ալիեւը հայտարարել է Բաքվում Եվրոպական Միության խորհրդի քաղաքականության եւ անվտանգության հարցերով հանձնաժողովի պատվիրակության հետ հանդիպմանը:
Ավելի վաղ, Ադրբեջանի արտգործնախարար Էլմար Մամեդյարովը մամուլի ասուլիսի ժամանակ հայտարարել էր, որ ԵԱՀԿ Մինսկի խմբի համանախագահներն ուրբաթ կայցելեն Երեւան, շաբաթ՝ Բաքու:
«Ես կարծում եմ, որ բանակցային ձեւաչափը պետք է վերսկսվի: Մի քանի օրից ես կհանդիպեմ ԵԱՀԿ Մինսկի խմբի համանախագահ պետությունների դեսպանների հետ, եւ մենք կքննարկենք հետագա բանակցությունները, ինչպես նաեւ նախագահների մակարդակով հնարավոր հանդիպումը»,- Ալիեւի խոսքերը մեջբերել է Ադրբեջանի նախագահականի մամուլի ծառայությունը:
Էջի հասցեն: https://verelq.am/hy/node/22996