JP. ԱՄՆ–ի պատժամիջոցներն ավելի են սերտացրել ՌԴ–ի ու Իրանի կապերը ռազմական ոլորտում

ԱՄՆ–ն նոր պատժամիջոցներ է կիրառել ՌԴ–ի ու Իրանի դեմ, որպեսզի պատժի երկու երկրներին, փոխանցում է The Jerusalem Post–ը։

Սակայն այդ միջոցառումներն ավելի են սերտացրել Մոսկվայի ու Թեհրանի կապերը ռազմական ոլորտում։

Իրանն ու ՌԴ–ն արդեն երկար ժամանակ է համագործակցում են ռազմական ոլորտում` արւևմտյան երկրների մեկուսացման քաղաքականության ֆոնին։ Իրանը մի քանի միլիարդի զենք է գնում ՌԴ–ից, իսկ նախորդ տարի Մոսկվան սկսել է Իրանում նոր ատոմակայաններ կառուցել։

Բացի այդ, Մոսկվան ու Թեհրանը Սիրիայում աջակցում են Ասադի ռեժիմին։ Վերջերս էլ ՌԴ–ի փոխվարչապետ Դմիտրի Ռոգոզինն Իրանում հանդիպել է այդ երկրի պաշտպանության նախարար Հոսեյն Դեգհանի հետ. կողմերը պայմանավորվել են ՌԴ–ից Իրան զինատեսակների նոր առաքումների շուրջ։


Նշումներ:

Էջի հասցեն: https://verelq.am/hy/node/21089