Հայաստանը Ռուսաստանի բարեկամ երկրների հնգյակում է

Հայաստանն ընգրկվել է Ռուսաստանի բարեկամ երկրների հնգյակում, ինչի մասին են վկայում հետազոտական «Լևադա-Կենտրոնի» իրականացված հարցման արդյունքները:

Ռուսաստանի համար առավել բարեկամ երկրների շարքին, ըստ հարցվածների, դասվում են Բելառուսը (55%), Չինաստանը (43%), Ղազախստանը (41%), Հայաստանը, Հնդկաստանը (18%) և Կուբան (14%), փոխանցում է newsarmenia.am-ը: Բելառուսը և Չինաստանն ավանդաբար համակրելի են ռուսաստանցիների համար՝ համապատասխանաբար հարցվածների 83% և 80%-ը դրական են արձագանքում այդ պետություններին, իսկ 7%-ը՝ բացասաբար:

ԱՄՆ-ի և ԵՄ-ի նկատմամբ բացասական վերաբերմունքի անընդհատ աճը դադարել է, չնայած որոշ տատանումներով, Արևմուտքի պետություններին բացասաբար են վերաբերվում բնակչության համապատասխանաբար 73% և 59%-ը:

Նույն հարցման հակառեյտինգի առաջատարն է ԱՄՆ-ը (73%), Ուկրաինան (37%), Լատվիան, Լիտվան (25%) և Լեհաստանը (22%): ԵՄ-ի և Ուկրաինայի նկատմամբ ռուսաստանցիների վերաբերմունքը նույնն է՝ հարցվածների 26%-ը դրական է վերաբերվում այդ երկրներին, իսկ 59%-ը բացասաբար: Պատասխանից ձեռնպահ են մնացել համապատասխանաբար 16% և 14%-ը:

Ռուսաստանի և Գերմանիայի հարաբերությունները հարցվածների 39%-ը գնահատել է որպես նորմալ, հանգիստ, իսկ ամեն երրորդը (33%) նրանց մեջ սառնություն է նկատում, 12%-ը լարվածություն, 2%-ը՝ թշնամություն, 9%-ը խոսում է երկրների միջև լավ հարաբերությունների մասին: Վրաստանը տարիների ընթացքում հարցվածների կողմից ավելի քիչ է որպես թշնամի ընկալվում՝ դուրս գալով ամենաթշնամական երկրների շարքից:

Հարցումն անցկացվել է 2015թ.-ի մայիսի 22-25-ը 18-ից բարձր 1600 քաղաքացիների շրջանում՝ գյուղերում և քաղաքներում, ՌԴ-ի 46 շրջանների 134 բնակավայրերում: Վիճակագրական անճշտությունները չեն անցնում 3.4%-ից:


Նշումներ:

Էջի հասցեն: https://verelq.am/hy/node/1816