«Ժառանգություն» կուսակցությունն իր զորակցությունն է հայտնում Երևանի ավագանու ընտրություններին մասնակցող ընդդիմությանը։ Այս մասին ասված է «Ժառանգություն» կուսակցության նախագահ Րաֆֆի Հովհաննիսյանի տարածած հայտարարության մեջ։
«Նախընտրական շրջանում բռնություններով և քաղաքական բանտարկություններով, իսկ ընտրությունների օրը՝ համատարած կաշառքներով և այլ զանգվածային ընտրակեղծիքներով մթագնած խորհրդարանական ընտրությունները հերթական անգամ ի ցույց դրեցին գործող իշխանության՝ ՀՀԿ-ի մոտ ազատ, արդար և օրինական ընտրությունների կազմակերպման քաղաքական կամքի բացակայությունը:
Ամեն դեպքում՝ մեր ժողովրդի ձայնը չմասնատելու նպատակով հերթական անգամ «Ժառանգությունը» հայտ չներկայացրեց Երևանի ավագանու ընտրական մրցապայքարի մեջ մտնելու՝ փոխարենը հաջողություն և օրինական մրցակցություն մաղթելով բոլոր թեկնածուներին և իր զորակցությունը՝ ընտրություններին մասնակցող ընդդիմությանը և Հայաստանի քաղաքացու ազատ և անկաշառ կամարտահայտությանը:
Հանուն մայրաքաղաքի և համայն հանրապետության, իրականում հարկավոր է, որ պարոն Մարգարյանը և իր կուսակցությունը իրենք դառնան պարկեշտ, օրինապաշտ ընդդիմություն ամբողջ երկրում և Երևանից սկսյալ:
Իսկ մենք դեռ կխոսենք ընտրություններից հետո»:
Հիշեցնենք, Երևանի ավագանու ընտրությանը մասնակցում է երեք քաղաքական ուժ՝ Հանրապետական կուսակցությունը, որի ցուցակը գլխավորում է գործող քաղաքապետ Տարոն Մարգարյանը, Ելք դաշինքը, որի քաղաքապետի թեկնածուն է Նիկոլ Փաշինյանը և Երկիր ծիրանի կուսակցությունը, որի ցուցակը գլխավորում է Րաֆֆի Հովհաննիսյանի նախկին կուսակից Զարուհի Փոստանջյանը:
Էջի հասցեն: https://verelq.am/hy/node/16897