ՀՀ նախագահ Սերժ Սարգսյանի առաջարկով Երևանի ավագանու առաջիկա ընտրություններում իշխող Հանրապետական կուսակցության համամասնական ցուցակը կգլխավորի գործող քաղաքապետ, կուսակցության գործադիր մարմնի անդամ, Երևանի կառույցի պատասխանատու Տարոն Մարգարյանը:
Այս մասին ՀՀԿ ԳՄ նիստից հետո մարտի 6-ին լրագրողների հետ հանդիպմանը հայտարարեց Հանրապետական կուսակցության խոսնակ, ԱԺ փոխնախագահ Էդուարդ Շարմազանովը: Նրա խոսքով, որոշումը կայացվել է նախագահի առաջարկով եւ միաձայն:
«Մենք կարծում ենք, որ այս տարիների ընթացքում քաղաքապետ Մարգարյանի գլխավորությամբ Երևան քաղաքում տեղ են ունեցել շատ լուրջ բարեփոխումներ, և կուսակցությունը լիահույս է, որ հաջողության դեպքում Երևանի ավագանին քաղաքապետ Տարոն Մարգարյանի գլխավորությամբ կշարունակի այն բարեփոխումները, որը նախաձեռնել է տարիներ առաջ», - հավելեց ՀՀԿ խոսնակը:
Շարմազանովը նաև նշեց, որ ՀՀԿ ցուցակի երկրորդ համարն է միջազգային գրոսմայստեր Սմբատ Լպուտյանը, երրորդը՝ Հովիկ Մուսայելյանը:
Էջի հասցեն: https://verelq.am/hy/node/16783