Թուրքիայի քրդամետ Ժողովրդադեմոկրատական կուսակցության անդամ, խորհրդարանի հայազգի պատգամավոր Կարո Փայլանի դեմ դատական հայց է ներկայացվել, որում պահանջում են զրկել նրան ոչ միայն պատգամավորի մանդատից, այլև Թուրքիայի քաղաքացիությունից: Այս մասին հայտնում են թուրքական լրատվամիջոցները:
Հայցը ներկայացրել է «Մեծ միություն» կուսակցության Էդիրնեի մասնաճյուղի ղեկավարը, որը Փալյանին մեղադրում է «ժողովրդի շրջանում քեն և ատելություն տարածելու» մեջ:
Նա հայտարարել է, որ թուրք ժողովուրդը պետք է իմանա, թե «մեծ ազգի կողմից չիրականացվածն իրականության քողի տակ ներկայացնել փորձող Փալյանին ոչ միայն պատգամավորական մանդատից, այլև քաղաքացիությունից կզրկեն»:
Հիշեցնենք, Կարո Փայլանը խորհրդարանում սահմանադրական փոփոխությունների վերաբերյալ նախագծի քննարկման ժամանակ հիշեցրել էր նաև Հայոց ցեղասպանության մասին: Փայլանը, մասնավորապես, նշել էր, որ երկրին անհրաժեշտ է այնպիսի Սահմանադրություն, որը կպաշտպանի Թուրքիայի բազմակրոն ու բազմաէթնիկ հասարակության բոլոր շերտերի իրավունքները:
Էջի հասցեն: https://verelq.am/hy/node/14372