Երևանում այս րոպեներին ընթանում է Հայաստանի Հանրապետության Անկախության 25-ամյակին նվիրված ռազմական շքերթը:
Երևանի Հանրապետության հրապարակի տրիբունայում են ՀՀ Նախագահ, Զինված ուժերի գերագույն գլխավոր հրամանատար Սերժ Սարգսյանը, Ամենայն Հայոց Կաթողիկոս Գարեգին Բ-ն, Մեծի տանն Կիլիկիո կաթողիկոս Արամ Առաջինը, Լեռնային Ղարաբաղի Հանրապետության նախագահ Բակո Սահակյանը, ԼՂՀ նախկին նախագահ Արկադի Ղուկասյանը, ՀՀ ԱԺ նախագահ Գալուստ Սահակյանը, ՀՀ վարչապետ Կարեն Կարապետյանը, բարձրաստիճան այլ պաշտոնյաներ ու հյուրեր:
Զորահանդեսի հրամանատարն է Զորքերի միացյալ խմբավորման հրամանատար սուրբ Վարդան Մամիկոնյան շքանշանի ասպետ գեներալ մայոր Անդրանիկ Մակարյանը, զորահանդեսն ընդունում է ՀՀ պաշտպանության նախարար, Արցախի հերոս, մարտական խաչ առաջին աստիճանի և Տիգրան Մեծ շքանշանների ասպետ Սեյրան Օհանյանը:
Շքերթին մասնակցում է շուրջ 10 հազար զինվորական:
Էջի հասցեն: https://verelq.am/hy/node/11410