Ռուսաստանի նախագահի մամուլի քարտուղար Դմիտրի Պեսկովը, մեկնաբանելով Corriere Della Sera թերթի հրապարակումն այն մասին, որ Մեծ Բրիտանիայի վարչապետ Բորիս Ջոնսոնն, իբր, կոչ է արել Կիեւի հետ ռազմական դաշինք ստեղծել Մոսկվայի դեմ, հորդորել է ԶԼՄ-ներում բոլոր հաղորդագրությունները չընդունել որպես սկզբնաղբյուր:
«Գիտեք, Corriere Della Sera-ի նկատմամբ ողջ հարգանքով հանդերձ, եկեք դրան դեռ վերաբերվենք որպես լրատվամիջոցների հաղորդագրություն: Դա պետք է ստուգել: Երկրորդ, մենք չգիտենք, թե արդյոք Բորիս Ջոնսոնը նման նախաձեռնություններով հանդես եկել է, թե ոչ: Այդ դեպքում, հավանաբար, դա կնշանակեր, որ նա առաջարկում է նման "երկպառակ" մոտեցում, որպեսզի խաթարի ԵՄ-ի դիրքերը, այսինքն՝ այնպիսի համաեվրոպական միավորման դիրքերը, որն ինքը՝ Մեծ Բրիտանիան, լքել է», - ասել է Կրեմլի խոսնակը, փոխանցում է РИА Новости-ն։
Նա ընդգծել է, որ նախագահի աշխատակազմը չգիտի, թե որքանով է հավաստի այս տեղեկությունը, և հետևելու է իրավիճակի զարգացմանը։
Նախօրեին իտալական թերթերից մեկը, հղում անելով աղբյուրներին, գրել էր, որ Ջոնսոնն առաջարկել է Ուկրաինայի նախագահ Վլադիմիր Զելենսկիին Ռուսաստանի դեմ դաշինք, եվրոպական համայնք ստեղծել։ Նշվում է, որ ասոցիացիան կարող է ներառել նաև Լեհաստանը, Էստոնիան, Լատվիան և Լիտվան, իսկ ավելի ուշ՝ Թուրքիան։
Էջի հասցեն: https://verelq.am/hy/node/109807