Չորեքշաբթի ԱՄՆ հետաքննությունների դաշնային բյուրոն խուզարկություն է իրականացրել կոնգրեսական-դեմոկրատ Հենրի Կուելիարի տանը և Թեքսասի նրա նախընտրական գրասենյակում՝ Ադրբեջանին և մի քանի ամերիկացի գործարարներին վերաբերող լայնածավալ դաշնային հետաքննության շրջանակներում: Այդ մասին, ինչպես տեղեկացնում է հայտնել Է ABC News-ը ՝ վկայակոչելով այդ հարցին ծանոթ իր աղբյուրը, գրում է «Արմենպրես»-ը։
Այն բանից հետո, երբ ՀԴԲ-ի գործակալները Տեքսասի նահանգի Լարեդո քաղաքում Կուելյարի տանը խուզարկություն են իրականացրել, Կուելյարի օգնականը հայտարարել է, որ կոնգրեսականը «լիովին կհամագործակցի ցանկացած հետաքննության հարցում»: «Նա հավատարիմ է արդարության եւ օրինականության ապահովմանը», — ասված է հայտարարության մեջ:
Չորեքշաբթի ՀԴԲ-ի ներկայացուցիչն ընդգծել է, որ ցանկացած «իրավապահ գործունեություն» Կուելյարի տանը եւ նախընտրական արշավի գրասենյակում «դատարանի կողմից արտոնված է»:
Քուելյարը, որը ներկայացնում է Տեքսասի 28-րդ շրջանը Կոնգրեսում, 2005 թվականից կոնգրեսական է։ Վերջին տարիներին նա եղել է Կոնգրեսում Ադրբեջանի հարցերով հանձնաժողովի համանախագահ եւ բազմիցս հանդիպել է Ադրբեջանի պաշտոնատար անձանց, այդ թվում՝ Ադրբեջանի դեսպան Էլին Սուլեյմանովի հետ։
Ամերիկայի Հայ դատի հանձնախումբը (ANCA) հայտնել է, որ Վաշինգթոնում Ադրբեջանի բազմամյա դեսպան Սուլեյմանովը նախապես լքել է քաղաքը ՀԴԲ-ի խոշոր դաշնային քրեական հետաքննության նախօրեին: Վաշինգտոնի Հայ ազգային կոմիտեի տվյալներով, ԱՄՆ-ում Ադրբեջանի կոռուպցիոն սխեմաների մասին տեղեկատվությունը վաղուց Վաշինգտոնում «Պոլիշինելի գաղտնիք» է:
Էջի հասցեն: https://verelq.am/hy/node/102104