ՀՀ իշխանությունների ու ՊՊԾ գունդը գրաված «Սասնա ծռեր» արմատական ընդդիմադիր զինված խմբավորման միջեւ բանակցություններում միջնորդ հանդիսացող Արցախի հերոս, ԼՂՀ ԱԺ պատգմավոր Վիտալի Բալասանյանը գնդի տարածքում հուլիսի 23-ին լրագրողների հետ հանդիպմանը հայտարարեց, որ ինչպես Ժիրայր Սեֆիլյանը, այնպես էլ խմբի շատ անդամներ հրավաժվել են նախագահ Սերժ Սարգսյանի հրաժարականի պահանջից:
Միեւնույն ժամանակ ՊՊԾ գնդի տարածքում հարեւանթյամբ գտնվող հենց խմբի անդամներից մի քանիսը հայտարարեցին, որ իրենք չեն հրաժարվել Սերժ Սարգսնանի հրաժարականի պահանջից եւ վայր կդնեն զենքերը միայն այդ պահանջի կատարումից հետո: Ընդհանուր առմամաբ, երկրի ղեկավարի հրաժարականի հարցում խմբի տղաների մոտ գոնե այս պահին միասնականություն չկա: Մի մասը, ինչպես նշում է Բալասանյանը հրաժարվել է Սերժ Սարգսյանի պահանջից, մոյսւները դեռ պնդում են, որ այդ պահանջը պետք է ի կատար ածվի, իսկ մնացածները անդեմ հայտարարություն են անում, թե «զենքերը վայր կդնենք, երբ իշպանություններին հանզանդեցնենք»:
Բալասանյանը նշեց, որ եւ Ժիրայր Սեֆիլյանը, եւ տղաներից շատերը հրաժարվել են Սերժ Սարգսյանի հրաժարականից: Նա անուններ չտվեց, միայն ավելացրեց. «Սակայն կան մարդիկ, որոնք դեռ պնդում են Սերժ Սարգսյանի հրաժարականը: Կես ժամ առաջ խոսել եմ Ժիրայր Սեֆիլյանի հետ, նա ասաց, որ հրաժարվում է Սերժ Սարգսյանի հրաժարականից», - ասաց Բալասնյանը: Նա վստահություն հայտնեց, որ ամեն ինչ խաղաղ է անցնելու՝ հավելելով, որ ստանձնել է իր վրա միջնորդի դերը, քանի որ «սա իմ հայրենիքն է, տղաների մեծամասնության հետ ճանապարհ ենք անցել պատերազմում ու անձամբ իմ հրամանատարության ներքո են եղել, տարբեր մարտական գործողություններին մասնակցել են»: Նա վստահեցրեց, որ Սերժ Սարգսյանն իրեն չի խնդրել, որ գա այստեղ. «Ինձ որևիցե մեկը չի խնդրել, դա իմ պարտականությունն եմ համարում»:
Ժիրայր Սեֆիլյանի հետ հանդիպմանը, Բալասանյանի խոսքով, քննարկել են զենքերը վայր դնելու հարցը: «Ժիրայր Սեֆիլյանը դրական է արձագանքել զենքերը վայր դնելու մասին առաջարկին, սակայն մի քանի հարց է առաջ քաշել. դրանք հարցեր են, որոնք չպետք է մանրամասնել», -ասաց նա: Այնուամենայնիվ ՊՊԾ գունդը գրաված «Սասնա ծռեր» զինված խմբավորման անդամաները հայտարարեցին, որ իրենք ենթարկվում են միայն Վիրայր Սեֆիլյանին: «Եթե Ժիրայր Սեֆիլյանը գա այստեղ, ասի զենքերը վայր դրեք, մենք անում ենք», - ասացին նրանք:
Վիտալի Բալասանյանը եւս մեկ անգամ հաստատեց ավելի վաղ արտահայտած իր միտքը՝ ՀՀ-ում քաղբանտարկյալներ չկան. «Ժիրայրենք իրենց որակավորում են անում, որ քաղաքական այլախոհներ են: Քաղբանտարկյալ հասկացողություն չկա ՀՀ-ում. ովքեր հիմնավորում են, որ կան, թող ի լուր աշխարհի հայտարարեն»: Նա հայտարարեց, որ «Սասնա ծռեր» խումբն իր գործողությունների առաջին փուլը գերազանց է կատարել. «Խմբի տղաներն այդպես են որակավորում իրենց քայլերը: Ես, իհարկե, դատապարտում եմ՝ չպետք է նման բան անեին»:
Ըստ նրա՝ զինված խմբի տղաների մեծամասնությունը պահանջում է քաղբանտարկյալների ազատ արձակում, ինչպես նաեւ ազատ արձակել բերման ենթարկվածներին, այս օրերին ձերբակալվածներին, որ դրանք չշարունակվեն. «Տղաներն ասում են՝ եթե այս մարդիկ ազատ արձակվեն, իրենք վայր կդնեն զենքերը: Որեւէ մեկի կարծիքն ինձ համար դոգմա չէ. իրադրություն է փոխվում ու իրենք այլ բան կասեն: Զինված խմբի բոլոր տղաներին շնորհակալություն, որ խոհեմ գտնվեցին, որ հասկացան՝ կրակելը որեւէ արդյունքի չի բերելու: Նրանք, որոնք կօգտագործեն զենք, տեղում համապատասխան պատիժ կկրեն: Այս իրավիճակը անվերջ չի շարունակվելու. ամեն ինչ կարճ ժամանակում կլուծվի: Մեկ-երկու օրում ամեն ինչ լուծվելու է», - հայտարարեց նա:
Ըստ Բալասանյանի՝ զինված գործողություննով հնարավոր չէ լուծել քաղաքական խնդիրներ եւ կառուցել պետություն: Սա պետականության վախճանի ճանապարհն է: «Պատկերացրեք այսօր մի խումբ է զենված իշխնություն վերցնում, վաղը ինչ-որ մեկ այլ մեծ դժգոհների խումբ զինված գրոհ կանի ու կփորձի իր ձեռքը վերցնել իշխանությունը: Այսպես պետություն չես կառուցի», - եզրափակեց Բալասանյանը:
Էջի հասցեն: https://verelq.am/hy/node/10018