14.11.2025
Close
language հայ
language հայ

Լրատվամիջոցների դեմ հալածանքների փուլի սկիզբն է

Իշխանությունն ընդդիմությանը դիտարկում է որպես լիկվիդացիայի ենթակա գործոն։ Այս բնորոշումն է տվել քաղաքագետ Հրանտ Մելիք-Շահնազարյանը. ով գտնվում է Երևանի ընդհանուր իրավասության դատարանի Աջափնյակի նստավայրի դիմաց։


«Այսօր մեկնարկեց լրատվամիջոցների դեմ հալածանքների փուլը, որը կարծում եմ, առաջիկայում կշարունակվի նմանատիպ ապօրինի գործողություններով»,- դատարանի մոտ լրագրողների հետ զրույցում հայտարարեց քաղաքագետ Հրանտ Մելիք-Շահնազարյանը։


Ըստ նրա՝ իշխանությունն իրականացնում է քաղաքական բռնաճնշումների հերթական քայլը, որը մի քանի խնդիր է լուծելու՝ ճնշել քաղաքական ընդդիմությանը, զրկել գործիքներից, այս իրավիճակում ադեկվատ գործելու հնարավորությունից։


Հիշեցնենք, որ վաղ առավոտյան դիմակավորված իրավապահները մուտք են գործել Նարեկ Սամսոնյանի և Վազգեն Սաղաթելյանի բնակության վայրեր ու ձերբակալել։ Նրանց մեղադրանք է առաջադրվել իրենց հրապարակային խոսքի համար՝ ՀՀ քրեական օրենսգրքի 297-րդ հոդվածի 2-րդ մասով՝ տեղեկատվական կամ հաղորդակցական տեխնոլոգիաներ օգտագործելով խուլիգանություն կատարելու համար։


 

Թեմայի այլ նորություններ