Աշխարհ

Երկ
13
Feb

Նախագահ Շթայնմայերը չի միջամտելու արտաքին քաղաքական գործերին

Президент Германии Франк-Вальтер Штайнмайер

Ֆրանկ-Վալտեր Շթայնմայերը Գերմանիայի նախագահի պաշտոնում մտադիր չէ միջամտել արտաքին քաղաքական գործերին: ՏԱՍՍ-ի փոխանցմամբ՝ այս մասին նա ասել է Deutsche Welle-ին տված հարցազրույցում:

«Կարծում եմ՝ ինքս ինձ պետք է կանգնեցնեմ: Ես չպետք է ամեն օր մեկնաբանեմ սովորական արտաքին քաղաքական իրադարձությունները»,- ասել է Շթայնմայերը:

Նրա խոսքով՝ Գերմանիայի նախագահն այլ խնդիրներ ունի:

Ուրբ
10
Feb

Սենատում ԱՄՆ նոր վարչակազմին կոչ են արել ավելի կոշտ լինել Մոսկվայի նկատմամբ

Սենատի՝ միջազգային հարցերով հանձնաժողովի անդամները կոչ են արել ԱՄՆ նոր վարչակազմին ավելի «կոշտ դիրքորոշում զբաղեցնել» Մոսկվայի հանդեպ։ «Միացյալ Նահանգները, Ռուսաստանն ու ապագա մարտահրավերները» լսումների ժամանակ օրենսդիրները հայտնել են, որ Թրամփի մտադրությունները՝ Ռուսաստանի հետ «մտերիմ հարաբերություններ հարթել», լուրջ մտահոգություն են առաջացնում կոնգրեսի անդամների մեծ մասի մոտ։

Հնգ
09
Feb

Սպիտակ տուն. ԱՄՆ-ն չի չեղարկի ՌԴ դեմ պատժամիջոցները

ԱՄՆ-ն մտադիր չէ չեղարկել Ղրիմի պատճառով ՌԴ դեմ սահմանված պատժամիջոցները: Այդ մասին փետրվարի 8-ին հայտարարել է Սպիտակ տան ներկայացուցիչ Շոն Սփայսերը:

«Մենք գործ ունենք 2 փաթեթի հետ: Մեկը` Ղրիմի մասով է: Կարծում եմ, որ ԱՄՆ մշտական ներկայացուցիչ Հեյլին շատ հստակ է արտահայտվել ՄԱԿ-ում, որ քանի դեռ Ռուսաստանը չի հեռացել Ղրիմից, այդ պատժամիջոցների չեղարկման հարցը չի քննարկվի»,-ասել է Սփայսերը, գրում է Deutsche Welle-ն:

Հնգ
09
Feb

Յակով Քեդմի. Պորոշենկոն քաղաքական դիակ է

Դոնբասում ռազմական գործողությունների վերականգնման հիմնական նպատակը`Ուկրաինայի նկատմամբ ուշադրություն հրավիրելն է։ Պորոշենկոն ցանկանում է ստանալ եվրոպացիների գոնե բարոյական աջակցությունը, սակայն դա նրան մոտ դժվար թե ստացվի։ Այդ մասին հայտարարել է իսրայելցի պետական գործիչ Յակով Քեդմին։

Նրա խոսքով, աշխարհը թքած ունի Ուկրաինայի վրա, իսկ խաղաղ բնակչությունն ոչ ոք չի հետաքրքրվել, փոխանցում է politobzor.net–ը։

Հնգ
09
Feb

Fox News. ՌԴ–ն Սիրիա է առաքել հրթիռների ամենամեծ խմբաքանակը

Комплекс «Точка»  Фото: Николай Никитин / ТАСС

Fox News–ը հայտնում է, որ վերջին երկու օրվա ընթացքում ՌԴ–ը Սիրիա է առաքել հրթիռների ամենամեծ խմբաքանակը։ Հեռուստաընկերության տվյալներով, ՌԴ–ը Սիրիա է առաքել փոքր շառավիղով 50 բալիսթիկ հրթիռներ, փոխանցում է РБК–ն։

Սիրիական Տարտուս նավահանգիստ են տեղափոխել «Точка» («Точка-У») համակարգեր։

ՌԴ–ի ՊՆ–ում հայտարարել են, որ որոշ արևմտյան ԶԼՄ–ների տարածած տեղեկությունները`Սիրիայում ՌԴ–ի ռազմական ներկայության ավելացման հետ կապված պրիմիտիվ քարոզչական կեղծիք են։

Հնգ
09
Feb

Սկանդալ. Հռոմի պապն ընդունել է Վատիկանում կոռուպցիայի գոյության փաստը

Հռոմի պապ Ֆրանցիսկոսը ընդունել է Վատիկանում կոռուպցիայի գոյության փաստը և խստորեն դատապարտել է եկեղեցու ներկայացուցիչների կողմից անաչափահասների հանդեպ սեռական բռնության դեպքերը: Ինչպես հաղորդում է La Civiltà cattolica ամսագիրը, այս մասին պոնտիֆիկը հայտարարել է կաթոլիկ միապետերի հետ հանդիպմանը, որը կայցել է 2016թ. նոյեմբերին:

«Վատիկանում կոռուպցիա կա: Բայց ես հանգիստ եմ: Եթե խնդիր է ծագում, նամակ եմ գրում սուրբ Հովսեփին և դնում եմ արձանիկի տակ, որը իմ սենյակում է»,-ասել է Ֆրանցիսկոսը:

Չոր
08
Feb

Reuters. Թրամփի վարչակազմը քննարկում է Իրանի ԻՀՊԿ-ն ահաբեկչական կառույց ճանաչելու հարցը

ԱՄՆ նախագահ Դոնալդ Թրամփի վարչակազմը քննարկում է իրանական Իսլամական հեղափոխության պաշտպանների կորպուսը (ԻՀՊԿ) ահաբեկչական կազմակերպությունների շարքին դասելու առաջարկությունը:

ԱՄՆ պաշտոնյաները, որոնք ծանոթ են իրավիճակին, հայտնում են, որ ԱՄՆ որոշ կառավարական հաստատություններ քննարկում են այդ առաջարկը, հայտնում է Reuters:

Չոր
08
Feb

Թրամփ. Թուրքիան ԱՄՆ ռազմավարական գործընկերն է ու դաշնակիցը

ԱՄՆ նախագահ Դոնալդ Թրամփը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ: Քննարկվել են ահաբեկչության դեմ պայքարն ու երկկողմ հարաբերությունները, հայտնում է Սպիտակ տան մամուլի քարտուղարը:

Զրույցը տևել է 45 րոպե: «Նախագահ Թրամփը խոսել է Էրդողանի հետ ԱՄՆ և Թուրքիայի վաղեմի ու սերտ հարաբերությունների և ահաբեկչության դեմ ընդհանուր պայքարին հավատարմության մասին»,-ասվում է Սպիտակ տան հաղորդագրության մեջ, հայտնում է ՌԻԱ Նովոստին:

Երք
07
Feb

Պենտագոնն առաջարկել է Կոնգրեսին ԱՄՆ ռազմական բյուջեն ավելացնել $30 միլիարդով

Պենտագոնն առաջարկել է Կոնգրեսին ԱՄՆ ռազմական բյուջեն ավելացնել $30 միլիարդով: ԱՄՆ Զինված ուժերի հրամանատարները, ոգևորված ԱՄՆ նախագահ Դոնալդ Թրամփի երկրի պաշտպանունակությունն ամրապնդելու անհրաժեշտության մասին հայտարարություններից, Կոնգրես են ներկայացրել իրենց կառույցների ֆինանսավորման ավելացման նախագիծը:

Այդ պլանները մասնակիորեն կարող են օգտագործվել 2017թ. ֆինանսական տարվա ռազմական բյուջեի նախագիծը կազմելիս, որը կոնգրեսականների քննարկմանը կուղարկվի արդեն մոտ ապագայում, հայտնում է Associated Press-ը։

Երք
07
Feb

Թրամփը կպարտադրի ՆԱՏՕ–ի դաշնակիցներին վճարել անվտանգության համար

ԱՄՆ նախագահ Դոնալդ Թրամփը վստահեցրել է , որ իր աշխատակազմը կշարունակի աջակցել ՆԱՏՕ-ին, հայտնում է Washington Examiner–ը։

«Մենք աջակցում ենք ՆԱՏՕ-ին։ Մենք միայն ուզում ենք, որ դաշինքի բոլոր անդամները ֆինանսական լիարժեք ավանդ ունենան ՆԱՏՕ-ում, ինչը շատերը չեն անում»,- ասել է Թրամփը, ելույթ ունենալով ԱՄՆ կենտրոնական հրամանատարության բազայում։

«Նրանցից շատերը հեռու են դրանից, չնայած պետք է անեն դա»,- ասել է նա՝ հավելելով, որ ՆԱՏՕ-ի բոլոր անդամները պետք է իրենց արդարացի մասնաբաժինը ներդնեն։

Էջեր

Subscribe to RSS - Աշխարհ