պատերազմ Սիրիայում

Ուրբ
24
Feb

Թուրքիան անհանգստացած է Սիրիայի տարածքում Իրանի զինվորականների ներկայության կապակցությամբ

Թուրքիան անհանգստացած է Սիրիայի տարածքում Իրանի զինվորականների ներկայության կապակցությամբ, չնայած նրանք այնտեղ են գտնվում տեղի իշխանությունների հրավերով: Ինչպես հաղորդում է haqqin.az-ը, այս մասին հայտարարել է Թուրքիայի նախագահի մամուլի քարտուղար Իբրահիմ Քալընը:

Նա միևնույն ժամանակ ընդգծել է, որ Իրանը Թուրքիայի կարևոր հարևանն է, բայց Անկարան մտադիր չէ անտեսել տարածաշրջանում իր հեղինակությունն ամրապնդելու Իրանի ձգտմանը:

Ուրբ
24
Feb

Թուրքիան չի պատրաստվում ուժով հեռացնել Բաշար Ալ-Ասադին. Էրդողանի խորհրդական

Թուրքիայի նախագահի խորհրդական Իլնուր Չևիկը

Թուրքիան չի նախատեսում համագործակցել Սիրիայի նախագահ Բաշար Ալ-Ասադի հետ, միևնույն ժամանակ չի պատրաստվում ուժով հեռացնել նրան իշխանությունից: Այս մասին RT-ին տված հարցազրույցի ժամանակ հայտարարել է Թուրքիայի նախագահի խորհրդական Իլնուր Չևիկը:

«Թուրքիան չի պատրաստվում առճակատման գնալ և ուժով հեռացնել Ասադին: Ահա թե ինչու են Թուրքիան, Ռուսաստանը և Իրանը համատեղ բանակցություններ են անցկացնում Աստանայում: Չեմ կարծում, որ Ասադի հանդեպ ուժի կիրառումը այժմ օրակարգում է»,-ասել է նա:

Ուրբ
24
Feb

Փորձագետ. Ասադին հեռացնելու հարցը կորցրել է իր ակտուալությունը

Սիրիայի նախագահ Բաշար Ասադին հեռացնելու հարցը կորցրել է իր ակտուալությունը`երկրում հրադադարի հաստատումից հետո։ Այդ մասին հայտարարել է արաբ փորձագետ Նիդալ Սաբի։

Նրա խոսքով, սիրիական բանակի հաղթանակն Հալեպում և ռազմական գործողությունները դադարն երկրի տարածքի մեծ մասում փոխել է ուժերի հավասարակշռությունը։ Ըստ նրա, Ժնևում բանակցությունների ընթացքում պետք է խոսվի ոչ թե Ասադի հրաժարականի մասին, այլ ընդդիմության մասնակցությամբ կառավարության ձևավորման, փոխանցում է ТАСС–ը։

Հնգ
23
Feb

Թուրքիան խառնվել է իրար. Իրանն ու Ռուսաստանը մտերմանում են

Թուրքիայի նախագահի մամուլի խոսնակ Իբրահիմ Քալընը խոսել է վերջին օրերին Թուրքիա–Իրան լարվածության մասին։

Թուրքական Milliyet–ի փոխանցմամբ՝ Թուրքիայի նախագահի մամուլի խոսնակը շեշտել է, թե Թուրքիան երկար սահման ունի Իրանի հետ, եւ միշտ կողմ է եղել տարածաշրջանային խնդիրները Իրանի հետ լուծել երկխոսության միջոցով։

«Մենք չենք կարող անտեսել, թե ինչպես է Իրանը բարձրացնում հեղինակությունը չափերն անցնելով։ Մեզ համար կարեւոր չի, թե Իրանը պնդում է, թե Սիրիա է մտել իշխանությունների հրավերով։ Մենք սիրիական իշխանություններին չենք ճանաչում։

Չոր
22
Feb

Թուրքիայի ՊՆ. Սիրիացի քրդերի հարցում ՌԴ հետ տարաձայնություններ կան

Մոսկվան չի կիսում Անկարայի դիրքորոշումն, ըստ որի սիրիացի քրդերի ինքնապաշտպանության ուժերը կապված են Թուրքիայում արգելված Քրդստանի աշխատավորական կուսակցության (ՔԱԿ) հետ: Այսպիսի հայտարարություն է արել Թուրքիայի պաշտպանության նախարար Ֆիքրի Իշիկը:

Չոր
22
Feb

Հասան Ռոհանի. Իրանը շարունակելու է աջակցել Սիրիային

Իրանը շարունակելու է աջակցել Սիրիային`մինչև ահաբեկչության դեմ վերջնական հաղթանակը։ Այդ մասին հայտարարել է Իրանի նախագահ Հասան Ռոհանին`Սիրիայի խորհրդարանի ղեկավար Հադիե Աբբասի հետ հանդիպմանը։

Նա նշել է, որ վերջին ամիսներին դրական տեղաշարժեր են նկատվում Սիրիայում ու Թեհրանը պատրաստ է շարունակել աջակցել Սիրիային, փոխանցում է ТАСС–ը։

Իր հերթին, Աբբասը նշել է, որ ահաբեկչության դեմ պայքարում հաջողությունները գրանցվել են շնորհիվ Իրանի։ Նա կոչ է արել հետագայում նույնպես ամրապնդել Թեհրանի ու Դամասկոսի կապերը։

Շաբ
18
Feb

Հայաստանից Սիրիա է ուղարկվել մարդասիրական օգնության հերթական խմբաքանակը

Հայաստանի Հանրապետության և Ռուսաստանի Դաշնության պաշտպանության նախարարությունների միջև ձեռք բերված պայմանավորվածության համաձայն` ՀՀ Նախագահի հանձնարարությամբ փետրվարի 17-ին ՀՀ անունից Սիրիայի Արաբական Հանրապետություն առաքվեց սիրիական հակամարտությունից տուժած բնակիչների համար նախատեսված մարդասիրական օգնության հերթական խմբաքանակը: Այս մասին տեղեկանում ենք Արտակարգ իրավիճակների նախարարությունից:

Ուրբ
17
Feb

Քրդերը մեղադրել են Թուրքիային Սիրիայի խաղաղ բնակիչների սպանության մեջ

Սիրիական Էլ Բաբում 24 խաղաղ բնակիչ է զոհվել թուրքական օդուժի ռմբակոծություննեի հետևանքով: Այդ մասին հայտարարել է քրդական ընդդիմադիր «Սիրիայի ժողովրդավարական խորհուրդ» կուսակցության ներկայացուցիչ Ռեյզան Հեդուն:

«24 ժամում թուրքական ավիացիայի և հրետանու գործողությունների հետևանքով Էլ Բաբում 24 խաղաղ բնակիչ է զոհվել, այդ թվում 11 երեխա»,- ասել է Հեյդուն:

Քաղաքական գործիչը նշել է, որ արդեն հաջողվել է պարզել զոհվածների ինքնությունը, կան մտավախություններ, որ զոհերի թիվը կարող է ավելին լինել, հայտնում է ՌԻԱ Նովոստին:

Հնգ
16
Feb

Ասադ. Ռուսաստանի միջամտությունը թույլ տվեց կանգնեցնել ահաբեկիչներին

Սիրիական բանակի կողմից Հալեպ քաղաքի ազատագրումը կարևոր քայլ էր, բայց դա չի նշանակում հաղթանակ պատերազմում:

Այս մասին Europe 1-ին տված հարցազրույցի ժամանակ հայտարարել է Սիրիայի նախագահ Բաշար Ալ-Ասադը:

«Հալեպի գրավումը կարևոր քայլ էր, բայց դա չի նշանակում, որ մենք հաղթել ենք պատերազմում: Դրա համար անհրաժեշտ է արմատախիլ անել ահաբեկիչներին Սիրիայի մյուս շրջաններում»,-ասել է նա և հավելել, որ դրա համար երկար ճանապարհ կա դեռ անցնելու:

Չոր
15
Feb

Սիրիացի քրդերը չեն հանձնի իրենց հողերը Թուրքիայի հսկողությանը

Սիրիացի քրդերը չեն հանձնի իրենց տարածքները, այդ թվում Մանբիջ քաղաքը Անկարայի հսկողությանը, իսկ թուրքական գրոհների դեպքում իրենց պաշտպանվելու իրավունք են վերապահում: Այդ մասին հայտարարել է Քոբանիի քրդական կենտրոնի կառավարության ղեկավար Անվար Մուսլիմը:

«Մենք Թուրքիային դիտարկում ենք որպես զավթիչ, վաղ թե ուշ նրանք ստիպված կլինեն հեռանալ Սիրիայից»,-ասել է նա, հայտնում է ՌԻԱ Նովոստին:

Էջեր

Subscribe to RSS - պատերազմ Սիրիայում