պատերազմ Սիրիայում

Ուրբ
20
Jan

Անկարան այլևս չի պնդում Ասադի հրաժարականը

Вице-премьер Турции Мехмет Шимшек

Թուրքիայի փոխվարչապետ Մեհմեթ Շիմշեքը հայտարարել է, որ Անկարան այլևս չի պնդում սիրիական համակարտության կարգավորմանը առանց նախագահ Բաշար Ալ-Ասադի մասնակցության։ Ինչպես հաղորդում է Sputnik գործակալությունը, նա նման հայտարարությամբ հանդես է եկել Դավոսում Համաշխարհային տնտեսական ֆորումի շրջանակներում։

«Թուրքիան այլևս չի պնդում առանց Ասադի կարգավորմանը, դա իրատեսական չէ, քանի որ կարծում եմ, պետք է աշխատենք նրա հետ, ինչ ունենք»,-ասել է Շիմշեքը։

Ուրբ
20
Jan

Ասադ. Սիրիայի նախագահի արտահերթ ընտրությունների հարցն ընդդիմության հետ չի քննարկվի

Սիրիայի նախագահի արտահերթ ընտրությունների կամ ապագա քվեարկության հարցը չի քննարկվելու մոտակա ժամանակներս սիրիական ընդդիմության հետ կայանալիք բանակցություններում։ Այդ մասին ճապոնական TBS–ի հետ զրույցում հայտարարել է Սիրիայի նախագահ Բաշար Ասադը։

Նա նշել է, որ նախագահի հրաժարականը կամ ընտրությունն ազգային հարց է և վերաբերվում է յուրաքանչյուր սիրիացու։ Այն չի քննարկվելու ընդդիմության հետ, քանի որ դա սահմանադրության հետ կապված հարց է։

Ասադը նշել է, որ ինքը, որպես պետության ղեկավար, չի փախչել երկրից, երբ Սիրիան բախվել է մարտահրավերների հետ։

Ուրբ
20
Jan

Սիրիայի հակամարտության կարգավորման հարցում դրական տեղաշարժ է նկատվում. Լավրով

Սիրիայի հակամարտության կարգավորման հարցում դրական տեղաշարժ է նկատվում, եւ Աստանայում հանդիպումը պետք է կարեւոր ներդրում ունենա այդ գործընթացի պարամետրերի մշակման համար։ Այս մասին ասել է ՌԴ ԱԳ նախարար Սերգեյ Լավրովը, փոխանցում է «ՌԻԱ Նովոստի»–ն։

«Հույս է ներշնչում, որ Սիրիայի ճգնաժամում դրական տեղաշարժեր են նկատվել։ Առնվազն բոլորը հիմա համաձայն են ՄԱԿ ԱԽ բանաձեւի հիման վրա ընդհանուր համազգային երկխոսության միջոցով քաղաքական–դիվանագիտական կարգավորման այլընտրանքի հարցում»,– ասել է Լավրովը։

Հնգ
19
Jan

Սատանովսկի. ՌԴ–ն Սիրիայում կարողացավ հասնել նրան, ինչին ԱՄՆ–ն չհասավ Իրաքում

ՌԴ–ն Սիրիայում կարողացավ հասնել նրան, ինչին ԱՄՆ–ն չհասավ Իրաքում։ Այդ մասին հայտարարել է ռուսաստանցի փորձագետ, Մերձավոր Արևելքի ինստիտուտի նախագահ Եվգենի Սատանովսկին։

Արևելագետը հույս է հայտնել, որ հունվարի 23-ին Աստանայում նախատեսված սիրիական ճգնաժամի հանգուցալուծման շուրջ բանակցությունները կոնկրետ արդյունքների կհանգեցնեն։

Նա նշել է, որ Ժնևյան ձևաչափը ցուցադրել է ՄԱԿ–ի սպառվածությունը. այն արդար բրոքերի դերակատարում չունի, իսկ մանր խաբեբաների հետ չպետք է խաղալ, փոխանցում է "Евразия.Эксперт"-ը։

Չոր
18
Jan

Ռոհանի. Սիրիայի հարցով բանակցությունները պետք է դիտարկել որպես վերջնական կարգավորման նախերգանք

Սիրիայի հարցով Աստանայում կայանալիք բանակցությունները պետք է դիտարկել որպես հակամարտության վերջնական կարգավորման նախերգանք։ Այս մասին հայտարարել է Իրանի նախագահ Հասան Ռոհանին, հաղորդում է IRNA գործակալությունը։

Նրա խոսքով, Իրանը գոհ է Սիրիայում հաստատված կրակի դադարեցման ռեժիմից եւ մտադիր է այս իրավիճակում լուրջ բանակցություններ անցկացնել։

Ուրբ
13
Jan

Սիրիան մեղադրել է Իսրայելին Դամասկոսի մոտակայքում գտնվող օդանավակայանի ռմբակոծության մեջ

Իսրայելը հրթիռակոծել է սիրիական ՌՕՈւ Մեզե ռազմական օդանավակայանը, որը գտնվում է Դամասկոսի արվարձանում: Արդյունքում առնվազն 8 պայթյուն է որոտացել, օդանավակայանում հրդեհ է սկսվել: Առնվազն 4 մարդ է զոհվել, հայտնում է dpa գործակալությունը Սիրիայի անվտանգության ուժերում աղբյուրի վրա հղումով:

Ոչնչացվել է զինամթերքի պահեստը, որի հետևանքով էլ պայթյուններ են որոտացել:

Ուրբ
13
Jan

Ինչո՞ւ են ՌԴ հարցում իրար հակասում Թրամփի և ԿՀՎ ղեկավարի պաշտոնի թեկնածուի տեսակետները

ԿՀՎ ղեկավարի պաշտոնի թեկնածու Մայք Պոմպեոն Ռուսաստանին մեղադրել է ագրեսիվ գործողությունների ու ԱՄՆ ընտրություններին միջամտելու, «Ուկրաինան օկուպացնելու միջոցով ագրեսիվ ինքնահաստատման», նաեւ ԻՊ ոչնչացման հարցում անգործության մեջ, հայտնում է Reuters–ը։

Սենատում լսումների ժամանակ իր ելույթում Պոմպեոն նշել է, որ ընդունում է ընտրությունների ընթացքին Ռուսաստանի միջամտության մասին ԱՄՆ հատուկ ծառայությունների զեկույցը։ «Ես չեմ տեսել որեւէ բան, որն ինձ կասկածի տեղիք կտար»,- ասել է նա։

Հնգ
12
Jan

Պեսկով. Սիրիայի հարցով Աստանայում բանակցությունների օրը դեռ հայտնի չէ

Սիրիայի վերաբերյալ Աստանայում կայանալիք բանակցությունների անցկացման պաշտոնական ամսաթիվը դեռ հայտնի չէ: Այդ մասին հայտարարել է ՌԴ նախագահի մամուլի քարտուղար Դմիտրի Պեսկովը:

«Դեռ պաշտոնական հայտարարություն չի եղել, հարկավոր է սպասել դրան»,-ասել է Պեսկովը լրագրողներին: Նա պարզաբանել է, որ ՌԴ-ն մասնակցելու է բանակցություններին փորձագիտական մակարդակով, հայտնում է ՌԻԱ Նովոստին:

Երք
10
Jan

ԱՄՆ-ն ուժեղացնում է Սիրիայում Թուրքիայի ռազմական գործողությունների աջակցությունը. WP

ԱՄՆ-ն որոշում Է ընդունել ուժեղացնել աջակցությունը՝ ուղղված Սիրիայում ԴԱԻՇ ահաբեկչական խմբավորման զինյալների դեմ Անկարայի կողմից անցկացվող ռազմական գործողություններին։ Այս մասին գրում է The Washington Post թերթը՝ վկայակոչելով ԱՄՆ-ի վարչակազմում իր աղբյուրները:

Երք
10
Jan

Փորձագետներ. Թուրքիան ավելի ճկուն քաղաքականություն է որդեգրել Սիրիայում

Թուրքիան համաձայնվել է, որ Սիրիայի այսօրվա ռեժիմն առանցքային դեր է խաղում տարածաշրջանում ու քաղաղացիական պատերազմը կարող է դադարել միայն բանակցությունների միջոցով։ Այդ մասին հայտարարել է Մերձավորարևելյան ռազմավարական հետազոտությունների կենտրոնի Սիրիայի հարցով փորձագետ Օյթուն Օրհանը։

Էջեր

Subscribe to RSS - պատերազմ Սիրիայում