Իրանը ցածր հարստացված ուրանի հետ կապված աշխատանքներն իրականացնում է Ատոմային էներգիայի միջազգային գործակալության լիարժեք վերահսկողության ներքո, միջուկային զենքի տարածման որևէ ռիսկ չի առաջացել:
Այդ մասին ավանդական ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան: Նա հավելել է, որ Մոսկվան հույս ունի, որ Թեհրանն ապագայում ևս պատասխանատու կերպով կմոտենա ԱԷՄԳ-ի հետ պայմանագրի կատարմանը:
Ավելի վաղ Իրանի նախագահ Հասան Ռուհանին հայտարարել էր, որ Իրանը կշարունակի զարկ տալ հարստացված ուրան ստանալու աշխատանքներին եւ դրանց ծավալը կհասցնի այնպիսի մակարդակի, որը բխում է այս երկրի շահերից։
Նա այսպես պատասխանել էր՝ Թեհրանին բանակցությունների սեղանի շուրջ պարտադրաբար բերելու ԱՄՆ-ի նախագահ Թրամփի ջանքերին։
Հիշեցնենք, որ Թրամփը ցանկանում է 2Օ15 թվականին կնքված միջազգային պայմանագիրը չեղյալ հայտարարելով, Իրանի հետ կնքել փոփոխված պայմաններով համաձայնագիր։
Էջի հասցեն: https://verelq.am/hy/node/49469