Ուսանողներն այլևս հնարավորություն չեն ունենա գնելու կուրսայիններ, ռեֆերատներ կամ դիպլոմային աշխատանքներ: ՀՀ Ազգային ժողովն այսօր ամբողջությամբ ընդունեց կուրսային, դիպլոմային և նմանատիպ այլ աշխատանքների վաճառքի գովազդն արգելելու մասին օրենքի նախագիծը:
Նախագիծն ընդունվեց միաձայն, դրա օգտին կողմ քվեարկեց 113 պատգամավոր:
Նշենք, որ ավելի վաղ նախագծի հեղինակ Իմ քայլը խմբակցության պատգամավոր, ԿԳ նախկին փոխնախարար Հովհաննես Հովհաննիսյանը հայտնել էր, որ բազմաթիվ բողոքներ է ստացել դասախոսներից և ինքն էլ առնչվել է այդ խնդրին: Նա ուսումնասիրել է միջազգային փորձը և տեսել, որ շատ տեղերում գնացել են հենց գովազդը սահմանափակելու, արգելելու ճանապարհով։
Էջի հասցեն: https://verelq.am/hy/node/46467