Անվտանգության խորհրդի քարտուղար Արմեն Գրիգորյանն այսօր Արցախում հանդիպել է Պաշտպանության բանակի հրամանատար, գեներալ-լեյտենանտ Լևոն Մնացականյանի հետ: Այս մասին Գրիգորյանը գրել է Facebook-յան իր էջում:
Նրա ներկայացմամբ, աշխատանքային հանդիպման ընթացքում ՊԲ հրամանատարի հետ քննարկել են Արցախի Հանրապետության անվտանգությանը, ՊԲ սպառազինության համալրմանն ու ռազմական ենթակառուցվածքների արդիականացմանը վերաբերող մի շարք հարցեր:
Ավելի վաղ Արմեն Գրիգորյանը հանդիպումներ է ունեցել Արցախի նախագահ Բակո Սահակյանի, ԱՀ խորհրդարանի խմբակցությունների հետ, իսկ նախօրեին այցելել առաջնագիծ:
Էջի հասցեն: https://verelq.am/hy/node/33616