Բաքվում կայացած զորահանդեսը ցուցադրել է ադրբեջանական բանակի որակապես նոր զինումը: Այդ մասին հայտարարել է ռազմական փորձագետ Ազադ Իսազադեն:
Ըստ նրա, դրանք վերջին սերնդի զինատեսակներ են, որոնք անհրաժեշտ են արդի պատերազմներ վարելու համար:
Նրա խոսքով, նորությունների շարքին պետք է դասել ամերիկյան արտադրության Bell-412 ուղղաթիռները, որոնք նախատեսված են ինչպես դեսանտի տեղափոխման, այնպես էլ հեռահար հարվածներ հասցնելու համար:
Ռազմական փորձագետ Թոֆիգ Թյուրքելը հայտարարել է, որ Բաքվի կողմից բանակն ուժեղացնելու ձգտումները խոսում են Ղարաբաղում պատերազմի վերսկսման հնարավորության մասին:
Ըստ նրա, Բաքուն զորահանդեսին է հրավիրել Թուրքիայի, Իրանի, Իսրայելի, Վրաստանի, Ուկրաինայի, Բելառուսի, Պակիստանի, Սաուդյան Արաբիայի և այլ երկրների ներկայացուցիչներին`նրանք ոչ միայն զենք են վաճառում Ադրբեջանին, այլև կարող են դառնալ նաև ադրբեջանական զենքի պոտենցիալ գնորդներ:
Նա հավելել է, որ վերջին տարիներին Ադրբեջանը սկսել է արտադրել արկեր, անօդաչուներ, այլ զենքեր:
Էջի հասցեն: https://verelq.am/hy/node/32914