Չնայած Կոնգրեսի առարկությանն այս շաբաթ Թուրքիան կստանա առաջին F-35 Joint Strike կործանիչը, հաղորդում է «Ամերիկայի ձայնը»՝ վկայակոչելով Պենտագոնի եւ ավիացիոն ոլորտի աղբյուրներին:
F-35 կործանիչներ արտադրող Lockheed Martin-ը հունիսի 21-ին Ֆորտ Ուերթ (Տեխաս) քաղաքում Թուրքիայի համար նախատեսված նոր կործանիչների պատվին արարողություն կանցկացնի:
ԱՄՆ-ի օրենսդիրները մտահոգություն են հայտնում այն կապակցությամբ, որ թուրքական իշխանությունները կալանքի տակ են պահում ամերիկյան բողոքական քահանային, ինչպես նաեւ Ռուսաստանից C-400 հակաօդային պաշտպանության համակարգեր գնելու Անկարայի ծրագրերի առնչությամբ, որոնք, կոնգրեսականների խոսքով, «կնվազեցնեն ՆԱՏՕ-ի անվտանգության ընդհանուր աստիճանը» եւ անհամատեղելի կլինեն ՆԱՏՕ-ում Թուրքիայի դաշնակիցների կողմից օգտագործվող համակարգերի հետ:
Էջի հասցեն: https://verelq.am/hy/node/32672