ԱՄՆ նախագահ Դոնալդ Թրամփը հանձնարարել է երկրի պաշտպանության նախարարությանն անմիջապես սկել ԱՄՆ ռազմատիեզերական ուժերի ձևավորումը, հայտնում է РИА Новости-ն:
«Եթե խոսքն Ամերիկայի պաշտպանության մասին է՝ տիեզերքում ԱՄՆ-ի ներկայությունը բավարար չէ: Մեզ անհրաժեշտ է ամերիկյան գերազանցություն ունենալ տիեզերքում», - ասել է Թրամփը Վաշինգտոնում ելույթ ունենալու ժամանակ:
Նրա խոսքով՝ ԱՄՆ ռազմատիեզերական ուժերը պետք է դառնան «զինված ուժերի վեցերորդ լիարժեք ճյուղը»:
ԱՄՆ ռազմատիեզերական ուժերի ստեղծման պլանների մասին Թրամփն առաջին անգամ հայտարարել է մարտին: Նա ասել է, որ երկար է մտածել այդ որոշման շուրջ ու եզրակացության եկել, որ դա «հրաշալի գաղափար է»: Նախագահը նաև ընդգծել է, որ ազգային պաշտպանության ռազմավարությունը չի բացառում տիեզերքում ռազմական գործողություններ իրականացնելու հնարավորությունը:
Էջի հասցեն: https://verelq.am/hy/node/32541