Կառավարության այսօրվա նիստում նշանակվեցին ութ մարզի նոր մարզպետները: Ուշագրավ է, որ Արմավիրի և Սյունիքի ՀՀԿ-ական մարզպետները դեռ կշարունակեն պաշտոնավարել:
Ինչպես և ավելի վաղ տեղեկացրել էինք, Աշոտ Սիմոնյանը նշանակվեց Արագածոտնի մարզպետ, Գարիկ Սարգսյանը՝ Արարատի մարզպետ, Ռոմանոս Պետրոսյանը՝ Կոտայքի մարզպետ, Վահե Ղալումյանը՝ Տավուշի մարզպետ, Կարեն Սարուխանյանը՝ Շիրակի մարզպետ, Իշխան Սաղաթելյանը՝ Գեղարքունիքի մարզպետ, Հրանտ Մարգարյանը՝ Լոռու մարզպետ, Արագած Սաղաթելյանը՝ Վայոց ձորի մարզպետ:
Վարչապետ Նիկոլ Փաշինյանը նշեց, որ մարզպետները նշանակվել են ըստ քաղաքական պայմանավորվածության` կառավարությունում ընդգրկված բոլոր ուժերն ունեն մարզպետներ:
Ինչ վերաբերում է Սյունիքի և Արմավիրի մարզպետների փոփոխությանը, ապա Նիկոլ Փաշինյանը դրան չանդրադարձավ:
Էջի հասցեն: https://verelq.am/hy/node/31774