ՀՀԿ նախագահի թեկնածու Արմեն Սարգսյանը և ԲՀԿ առաջնորդ Գագիկ Ծառուկյանը հանդիպել են: Գագիկ Ծառուկյանի մամուլի խոսնակ Իվետա Տոնոյանը նշեց, որ բազմաթիվ հարցեր են քննարկվել, սակայն մանրամասներ ներկայացնել նպատակահարմար չէ.
«Արմեն Սարգսյանը և Գագիկ Ծառուկյանն առանձին հանդիպել են, քննարկել մի շարք հարցեր»,- VERELQ-ի հետ զրույցում ասաց նա:
Առաջիկա օրերին կկայանա նաև Գագիկ Ծառուկյանի և «Ծառուկյան» խմբակցության պատգամավորների միջև, որից հետո խմբակցության որոշումը Արմեն Սարգսյանի թեկնածությունը սատարել-չսատարելու մասով կհրապարակվի:
Հիշեցնենք, փետրվարի 10-ին կայացել էր Հայաստանի Հանրապետական կուսակցության կողմից ՀՀ նախագահի թեկնածու առաջադրված Արմեն Սարգսյանի հանդիպումը ԱԺ «Ծառուկյան» խմբակցության պատգամվորների հետ, որը տևել է շուրջ երկու ժամ ու Իվետա Տոնոյանի խոսքով՝ տեղի է ունեցել բավականին ակտիվ քննարկում:
Էջի հասցեն: https://verelq.am/hy/node/27611