Ռուսաստանի ներքին գործերի նախարարության աշխատակիցներին թույլ են տվել իրենց հանգիստն անցկացնել Հայաստանում:
Ինչպես հայտնում է vetsi.ru-ն, ՌԴ ՆԳՆ-ն որոշել է այն երկրների ցուցակը, ուր կարող են հանգստանալու մեկնել իրավապահ մարմինների աշխատակիցները, այդ թվում քաղաքացիական ծառայողները:
«Ռազմաքաղաքական, քրեական, սանիտարահամաճարակային եւ բնակլիմայական հանգամանքներից» ելնելով՝ անվտանգ է ճանաչվել 13 երկիր՝ Ադրբեջանը, Հայաստանը, Բելառուսը, Վիետնամը, Ղազախստանը, Ղրղզստանը, Չինաստանը, Կուբան, Տաջիկստանը, Թուրքմենստանը, Ուզբեկստանը, ինչպես նաեւ Աբխազիան եւ Հարավային Օսիան, հաղորդում է «Վեստին»:
Այս ցուցակով պետք է առաջնորդվել Ռուսաստանից աշխատակիցների մեկնելու զեկույցները վերանայելու ժամանակ, իսկ ցուցակը հաստատվել է ներքին գործերի նախարար Վլադիմիր Կոլոկոլցեւի հրամանով, ասվում է Ռուսաստանի տուրօպերատորների ասոցիացիայի կայքում:
Էջի հասցեն: https://verelq.am/hy/node/26402