Մենք վարում ենք այնպիսի արտաքին քաղաքականություն, որը մեր դավանած ժողովրդավարական հավատի արտահայտումն է։ Մենք անում ենք հնարավոր ամեն բան, որպեսզի ոգեշնչենք ազատ պետություններին եւ ազատ ժողովուրդներին, որպեսզի օգնենք նրանց, ովքեր տառապում են եւ այլ երկրներում հալածվում, որպեսզի ամրապնդենք ժողովրդավարական երկրները ագրեսիայի դեմ պայքարում (Հարի Թրումեն, 1949 թվական)։ Մոտ 70 տարի առաջ, երբ Թրումենն արտասանեց այս ելույթը, բոլոր ամերիկացի նախագահները, գիտակցելով դա կամ առանց դրա, շատ լուրջ էին վերաբերում դրան։ Սակայն հունվարին, երբ ԱՄՆ նախագահի լիազորությունները ստանձնի Դոնալդ Թրամփը, ամեն բան կարող է այլ կերպ լինել, գրում է The Washington Post–ը։
Վերջին մի քանի շաբաթվա ընթացքում ԱՄՆ վաղեմի և մերձավոր դաշնակիցներից մի քանիսը սկսել են մտահոգվել, որ Սպիտակ տունը կարող է անտեսել իրենց եւ անգամ փորձի սասանել իրենց կառույցների հիմքերը։ Ամենից շատ նրանց մտահոգում է Թրամփի, նրա ավագ խորհրդականի եւ ավագ ստրատեգ Սթիվեն Բեննոնի և Breitbart News–ի միջև կապը։ Դա կայք է, որը ղեկավարում էր Բեննոնը, նախքան Թրամփի թիմում աշխատելը։ Իր հաջողություններով ոգեւորված՝ Breitbart News–ը հիմա փորձում է գումար վաստակել Եվրոպայում հակամիգրացիոն և ռասիստական տրամադրությունների վրա՝ հրահրելով դրանք, որպեսզի ընտրություններում հաղթեն պոպուլիստները, որոնք ՆԱՏՕ–ին վերաբերվում են այնպես, ինչպես Թրամփը, եւ որոնք կանեն ամեն բան Եվրամիությունը խարխլելու համար։
Առաջին զոհերը Ֆրանսիան եւ Գերմանիան էին, որտեղ ընտրություններից առաջ Breitbart News–ը հայտարարեց գերմանալեզու եւ ֆրանսալեզու կայքեր գործարկելու մասին։ Breitbart News–ը հիացմունքով էր լուսաբանում Ֆրանսիայում «Ազգային ճակատի» նվաճումները և «Այլընտրանք Գերմանիայի համար» կուսակցության գործունեությունը։
Սակայն պաշտպանում է արդյոք Թրամփը հակաամերիկյան քաղաքական գործիչներին։ Մենք դա չգիտենք, բայց մենք պատճառներ ունենք նման ենթադրություններ անելու համար։ Պատասխանը կարող է թաքնված լինել Բեննոնի նիգիլիզմի մեջ, ճգնաժամի եւ բռնության վերականգնողական ազդեցության հարցում Թրամփի վստահության մեջ եւ Ռուսաստանի հետ ապագա Սպիտակ տակ հնարավոր սերտ կապերի մեջ։
Բնականաբար, ՆԱՏՕ–ի եւ ԵՄ–ի փլուզումը կարող է անկայունություն եւ կենսամակարդակի անկում առաջ բերել Եվրոպայում։ Բնականաբար, Եվրոպայում անկայունությունը հակասում է ամերիկյան բիզնեսի եւ քաղաքականության շահերին։ Սակայն ոմանք կարող են նաև օգուտ քաղել։ Ռուսաստանը նորից Եվրոպայում կարեւոր խաղացող կդառնա, իսկ Եվրոպայում իշխանության կարող են գալ ամենաանսպասելի անձինք, ՌԴ–ն նպատակ ունի կազմաքանդել Եվրոպայի ու Ամերիկայի դաշինքը նշում է թերթը։
Էջի հասցեն: https://verelq.am/hy/node/14162