29.03.2024
Armenia ավիաընկերության առաջին չվերթը նախատեսվում է ապրիլի 21-ին
prev Նախորդ նորություն

Նորություններ գործընկերներից

Կառավարությունը հաստատեց ԵԱՏՄ երկրներից ավտոմեքենաների ներմուծումն ԱԱՀ-ից ազատելու օրինագիծը

ՀՀ Կառավարությունն այսօրվա նիստում հաստատեց ԱԺ ՀՀԿ խմբակցության պատգամավորներ Գարեգին Նուշիկյանի եւ Վարդան Այվազյանի ԱԱՀ-ի մասին ՀՀ օրենքում օրենսդրական փոփոխությունններ իրականացնելու նախաձեռնությունը, համաձայն որի, ԵԱՏՄ երկրներից ավտոմեքենաներ ներմուծելու պարագայում ԱԱՀ-ը (20%) գանձում չի իրականացվելու:

ԵԱՏՄ անդամ երկրներից Հայաստան ավտոմեքենաների ներմուծման դեպքում ավելացված արժեքի հարկի գանձման պրակտիկայի վերացման խնդիրն առաջացավ այն բանից հետո, երբ Եվրասիական տնտեսական հանձնաժողովի նախարար Տատյանա Վալովայան փետրվարի 8-ի մամուլի ասուլիսին իր դժգոհությունն էր հայտնել ՀՀ հարկային քաղաքականությունից՝ ՌԴ-ից Հայաստան ավտոմեքենաների ներկման դեպքում: Նա հայտարարել էր, որ ԵԱՏՄ երկրներից Հայաստան ֆիզիկական անձանց կողմից մեքենաների ներկման դեպքում 20%-ոց ԱԱՀ գանձումը հակասում է ԵԱՏՄ-ի իրավա-պայմանագրային դաշտին:

Դրան հաջորդել է ՀՀ ֆինանսների փոխնախարար Արմեն Ալավերդյանի հայտարարությունը, ըստ որի, կառավարությունն ի դեմս ֆինանսների նախարարության այդ հարցում որևէ բացթողում թույլ չի տվել և ամեն ինչ արվել է պետական բյուջեի շահերից ելնելով և ըստ օրենքների: Նրա խոսքով, ԵԱՏՄ պյմանագրի անցումային դրույթներով ՀՀ-ը իրավունք ունի այդ հարկատեսակը գանձելու:

«...նախորդ տարի 44-45 միլիարդի փոխարեն ներմուծվել է 22 միլիարդի, արդյունքում շուրջ 20 միլիարդից ավելի գումար կորցրեցինք, պատճառներից մեկն էլ այն էր, որ ավտոմեքենաների մի մասը երրորդ երկրներից չներմուծվեցին, ներմուծվեցին պարզապես Ռուսաստանի Դաշնությունից»,- ասել էր փոխնախարարը: Սակայն փոխնախարարի՝ անցումային դրույթների վերաբերյալ հայտարարությունը, մեղ ասած, վիճելի էր, քանի որ ԵԱՏՄ պայմանագրով այդ դրույթները վեաբերում են միայն երրորդ երկրներից ապրանքներ կամ ապրանքային խմբեր ներմուծմանը:

ՀՀ կառավարություն-ԵՏՀ հեռակա բանավեճն արդյունքում ավարտվեց նրանով, որ վարչապետ Հովիկ Աբրահամյանը կառավարության փետրվարի 25-ի նիստում, հայտարարեց, որ այսուհետ ԵԱՏՄ երկրներից Հայաստան ավտոմեքենաների ներմուծման դեպքում ԱԱՀ չի գանձվելու: "Հարցը քննարկելով ՀՀ Նախագահի հետ՝ մենք որոշել ենք վերանայել այս ոլորտը կարգավորող օրենսդրությունը", - հայտարարեց Աբրահամյանը:

Կառավարության այսօրվա նիստին նախագիծը գործադիրի հաստատմանը ներկայացրեց փոխվարչապետ Վաչե Գաբրիելյանը: Նա նշեց, որ նման նախագիծ արդեն մշակվել է ՀՀ Կառավարության կողմից, որը համարվել է հրատապ, հետեւաբար պատգամավորների նախագիծին իրենք աջակցում են: Վարչապետ Հովիկ Աբրահամյանն էլ նշեց, թե պետք է նախագծերը համատեղել: Որոշումն ընդունվեց:
Հայաստան մատակարարվող ռուսական գազի գինը չի փոխվի ևս մեկ տարի
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար