Միացյալ Նահանգներն Իսրայելի հրահրմամբ է զրկել Թուրքիային կործանիչներից

Իսրայելի իշխանությունները լոբբինգ են իրականացրել F-35 կործանիչների առաքումը Թուրքիային չեղարկելու ԱՄՆ որոշման համար: Այս մասին, հղում կատարելով Երուսաղեմի աղբյուրներին, հայտնում է The Times of Israel-ը:

Հրապարակումը հիմնված է իսրայելական Channel 12 հեռուստաալիքի հեռարձակման վրա, որը, իբր, ստացել է այդ տվյալները կառավարական պաշտոնյաներից: Ըստ հեռուստաալիքի՝ հրեական պետության ներկայացուցիչները վերջին մի քանի ամիսների ընթացքում թաքնված աշխատանքներ են իրականացրել, որպեսզի համոզեին ԱՄՆ իշխանություններին արդյունքում ընդունված որոշումը կայացնել: