29.03.2024
Վրաստանի խորհրդարանի մոտ բողոքի ակցիաները կշարունակվեն այլ ձեւաչափով
prev Նախորդ նորություն

Նորություններ գործընկերներից

Թուրքիան ստեղծելու է իր ռազմակայանը Նախիջեւանում՝ չվախենալով Կրեմլից. թուրքագետ

Ռուսաստանը Թուրքիայի համար եղել եւ շարունակում է մնալ ռազմավարական հակառակորդ, եւ Անկարայի ու Մոսկվայի մերձեցումը ավելի շուտ կրում է ժամանակավոր բնույթ: Այս մասին լրագրողների հետ հանդիպմանն ասաց ՀՀ Գիտությունների ազգային ակադեմիայի Արեւելագիտության ինստիտուտի տնօրեն, թուրքագետ Ռուբեն Սաֆրաստյանը։


Նրա խոսքով, Թուրքիան Հարավային Կովկասը դիտարկում է որպես իր շահերի գոտի եւ շարունակում է մնալ Ռուսաստանի մրցակիցը։ Անկարայի շահերը հստակ դրսեւորվել են դեռ անցյալ դարի 90-ական թվականներին։


Սաֆրաստյանն ուշադրություն դարձրեց Թուրքիայի ակտիվացմանը Նախիջեւանում՝ նշելով, որ դա ամենևին էլ  պատահական բնույթ չի կրում և ուղղված է երրորդ ռազմակայանի ստեղծմանը երկրի սահմաններից դուրս.

«Անկարայի բոլոր գործողությունները Նախիջեւանում, ըստ էության, նախնական աշխատանք է՝ ուղղված այդ կայանի ձեւավորմանը: Եթե Թուրքիան ամրացնի իր դիրքերը Նախիջեւանում, ապա դա փաստացի կնշանակի նրա դիրքերի ամրապնդում ընդհանրապես Անդրկովկասում»,- ասաց թուրքագետը:


Փորձագետը նաև կանխատեսեց, որ Անկարայի եւ Մոսկվայի հարաբերությունները վաղ թե ուշ վատթարանալու են, քանի որ յուրաքանչյուր երկիր հետապնդում է իր շահերը։ Դա թույլ կտա Թուրքիային ավելի վստահ ստեղծել իր կայանը Նախիջեւանում՝ չվախենալով Կրեմլի արձագանքից։

Հայաստանից ՌԴ ներգաղթյալների թիվը կտրուկ աճ է արձանագրել
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար