ՍՈՒ-30ՍՄ բազմաֆունկցիոնալ կործանիչները Հայաստանում կլինեն մինչև 2020 թ.. Տոնոյան

Ռուսական արտադրության ՍՈՒ-30ՍՄ բազմաֆունկցիոնալ կործանիչները Հայաստանում կլինեն մինչև 2020 թ. սկիզբը: Այս մասին լրագրողների հետ ճեպազրույցում ասաց ՀՀ պաշտպանության նախարար Դավիթ Տոնոյանը:

Նա նշեց, որ ըստ պայմանագրային պարտավորությունների Հայաստանն ակնկալում է արտադրողների պարտավորությունների իրականացումը այս տարվա վերջին կամ հաջորդ տարվա սկզբին:

Տոնոյանը նաև այլ անակնկալներ խոստացավ՝ չբացելով փակագծերը. «Բանակում ռազմական անակնկալներ են լինելու»: