29.03.2024
Բոլորը պետք է ենթարկվեն «վեթթինգ»-ի, այդ թվում՝ ԱԱԾ-ն եւ նրա տնօրենը. Վանեցյան
prev Նախորդ նորություն

Նորություններ գործընկերներից

Հեղափոխություն Արցախում և հակառուսականություն. «Սասնա Ծռերի» օրակարգը դեստրուկտիվ է

Այս օրերին մենք հետևում ենք, թե ինչպես է Արցախի էլիտայի ձեռամբ տեղի ունենում ՌԴ-ի կողմից Արցախն օտարելու կոնկրետ քայլեր, և կա անհրաժեշտություն, որ արցախահայությունն ինքն էլ պատկերացնի, թե մենք ինչ կարևոր օրեր ենք ապրում և ինչ վտանգներով է հղի։ Արցախահայությունը պետք է պատրաստ լինի դիմակայել այդ վտանգներին»: Այս մասին հայտարարել է «Սասնա ծռեր» կուսակցության անդամ և մամուլի խոսնակ Վահագն Ավագյանը:


Շաբաթ օրը՝ մայիսի 25-ին, Հայաստանից դեպի Արցախ «Սասնա ծռեր» համահայկական կուսակցությունն ավտոերթ էր կազմակերպել:


Ծռերը հերթական անգամ հանդես են գալիս հակառուսական պլատֆորմով ու կոչերով, այս անգամ փորձելով Արցախը «պաշտպանել ռուսական կայսերական վտանգից»: Այդ կուսակցությունը ներքաղաքական դիսկուրս է բերում ՌԴ-ի հետ կապերի թուլացման և ՀՀ-ում ռուսաֆոբ տրամադրություններ:


«Սասնա Ծռերը» փորձում են հանրության մոտ արթնացնել հակառուսական տրամադրություններ, այդ թվում՝ Արցախում, իբր Մոսկվան ցանկանում է իր ազդեցության տիրույթ տեղափոխել Արցախը, և որպես օրինակ Ծռերը բերում են Աբխազիայի և Հարավային Օսիայի օրինակները:


Պետք է նշել, որ ղարաբաղյան հարցում ՌԴ-ն միշտ էլ հանդես է եկել հավասարակշիռ դիրքորոշմամբ, ԵԱՀԿ Մինսկի խմբի համանախագահող երկիր հանդիսանալով Մոսկվան շատ դեպքերում իր ազդեցությունն է գործադրում Ադրբեջանի վրա՝ պատերազմը կանխելու համար:


Ծռերը ցանկանում են Արցախը մարզի կարգավիճակով միացնել Հայաստանին. դա պատերազմ սկսելու իմաստով «կազուս բելի» կլինի Բաքվի համար: Այս պահին ՀՀ-Ադրբեջան ֆորմատով տեղի են ունենում բանակցություններ և այս բարդ իրավիճակում Արցախը ՀՀ-ին միացնելու ցանկացած քայլ Մինսկի խմբի և առաջին հերթին Բաքվի կողմից կընկալվի, որպես բանակցությունները խաթարելու փորձ և պատերազմի մեկնարկի լավագույն առիթ:


«Սասնա Ծռերը» հայտարարում են հեղափոխությունն Արցախ տեղափոխելու մասին, ինչը նշանակում է ցնցումների հրահրում պատերազմի մեջ գտնվող և Ադրբեջանի հարձակմանը սպասող Արցախում, ինչը կբերի անդառնալի հետևանքների:


Արցախում 2020թ.-ին կայանալու են նախագահական և խորհրդարանական ընտրություններ և «Սասնա Ծռերը» կարող են մասնակցել այդ ընտրություններին և ցույց տալ, թե ինչ էլեկտորատ ունեն Արցախում: Սակայն Ծռերը հասկանում են, որ Արցախում նրանք չունեն համակիրներ, քանի որ արցախցիները չեն ցանկանում մարզի կարգավիճակով այս փուլում միանալ ՀՀ-ին՝ հասկանալով դրա հետևանքները նոր պատերազմի տեսքով: Ծռերը ցանկանում են հասնել Արցախում իշխանափոխության մինչև ընտրությունները, քանի որ լավ գիտակցում են, որ ընտրություններում ոչ մի շանս չունեն:


Ծռերը իրենց հակառուսական թեզիսներով և քաղաքականությամբ միայն վանում են հասարակության մեծ մասին թե՛ Արցախում, թե՛ ՀՀ-ում, քանի որ հայկական պետությունների բնակչությունը համակրանքով է վերաբերվում ՌԴ-ին ու հասկանում է հայ-ռուսական ռազմավարական կապերի կարևորությունը:


«Սասնա Ծռերը» պետք է շարունակեն իրենց պայքարը օրենքի և Սահմանադրության շրջանակներում և ցանկության դեպքում մասնակցեն Արցախում 2020թ.-ի ընտրություններին և զերծ մնան Արցախն ապակայունացելու քաղաքականությունից, ինչպես նաև վերջ տան ՌԴ-ի դեմ պայքարելու իրենց ծրագրերին, քանի որ դա հակառակ էֆեկտն է ունենում՝ հասարակությունն ավելի է ամրապնդում Մոսկվայի հետ կապերը խորացնելու իրենց հայացքները:


 

Դուք կստանձնեք ՀԱՊԿ գլխավոր քարտուղարի պաշտոնը. Երեւանում ընդունել են Ստանիստալ Զասին
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար