Հեռու մնացեք բռնցքամարտից. ֆեդերացիան մեղադրում է Գաբրիել Ղազարյանին և Հրաչյա Ռոստոմյանին

Հայաստանի Բռնցքամարտի ֆեդերացիան հանդես է եկել հայտարարությամբ, որով մեղադրում է սպորտի եւ երիտասարդության հարցերի նախարար Գաբրիել Ղազարյանին պաշտոնական դիրքի չարաշահման համար:

«Այսօր սպորտի եւ երիտասարդության հարցերի նախարար Գաբրիել Ղազարյանը հրավիրել էր խորհրդակցության ազգային հավաքականի գլխավոր մարզիչ Ռուդիկ Մկրտչյանին եւ երիտասարդների հավաքականի ավագ մարզիչ Կարեն Աղամալյանին ,որտեղ ներկա էր Հրաչյա Ռոստոմյանը։

Մեր մարզիչներին Ռոստոմյանը հորդորել է, որպեսզի Եվրոպական խաղերի մասնակցող թիմի մեջ ներառենք բռնցքամարտիկների, որոնք ազգային հավաքականի անդամ չեն եւ առնվազն վերջին 2 տարին չեն մասնակցել ոչ մի լուրջ մրցաշար ի եւ արդյունքներ չեն գրանցել։ Իրենց կամքը չկատարելու դեպքում խոստացել են չֆինանսավորել մեր մարզիկներին, որպեսզի նրանք մասնակցեն Եվրոպական խաղերին։ Սա ակնհայտ պաշտոնական դիրքի չարահաշում է։

Հարգելի պաշտոնյաներ Ձեզ հեռու պահեք բռնցքամարտից եւ մի փորձեք միջամտել մարզիչների աշխատանքին»,- ասված է հայտարարության  մեջ։