Փայլանը դատախազություն բողոք է կներկայացնի ուղիղ եթերում հայ երեխայի կրոնափոխության համար

Թուրքիայի Ազգային մեծ ժողովի պատգամավոր Գարո Փայլանը պատրաստվում է թուրք հաղորդավար Նիհաթ Հաթիփօղլուի դեմ պաշտոնական բողոք ներկայացնել:


Այս մասին Փայլանը գրել է «Ֆեյսբուք»-ի իր էջում՝ անդրադառնալով օրեր առաջ թուրքական հեռուստաալիքներից մեկի ուղիղ եթերում հայկական արմատներով քրիստոնյա, 13-ամյա Արթուրի կրոնափոխության հարցին:


«Հանդիպել եմ Նիհաթ Հաթիպօղլուի կողմից շահագործված Արթուրի մոր հետ։
Նա հայտնեց, որ տվյալ հաղորդման մեջ իր զավակի ներկայությունն առանց իր թույլտվության է եղել։ Վաղը պաշտոնական բողոք պետք է ներկայացնեմ Ռադիոյի ու հեռատեսության բարձրագույն խորհրդին և դատախազությանը՝ երեխաների շահագործում իրականացրած այս հաղորդման դեմ»,- նշել է պատգամավորը։


Պետք է նշել, որ Լոզանի պայմանագրով այս դեպքն ուղղակի անընդունելի է, քանի որ խախտում է ազգային ու կրոնական փոքրամասնությունների իրավունքները՝ առանց ծնողների ներկայության կրոնափոխել անչափահաս երեխային:


Հիշեցնենք, որ համացանցում ակտիվ շրջանառվում էր տեսանյութ, որտեղ թուրք հոգեւորական Նիհաթ Հաթիփօղլուն իր վարած կրոնական հաղորդման ժամանակ, ուղիղ եթերում մուսուլման էր դարձրել 13–ամյա Արթուրին՝ առանց ծնողների ներկայության։


Հաղորդման ժամանակ, մինչև երեխայի կրոնափոխ լինելը Նիհաթ Հաթիփօղլուն հայտարարել էր, որ ստացել է Արթուրի մոր համաձայնությունը, սակայն մայը՝ Ալինա Ենգիբարյանը հայտնել էր, որորդին իսլամ է ընդունել առանց իր իմացության եւ համաձայնության:


Ընտանիքը Թուրքիա է տեղափոխվել 13 տարի առաջ, մոր պնդմամբ՝ որդին և իր ընտանիքը քրիստոնյա է:

Տպել

Թեմայի այլ նորություններ
Загрузка...