28.03.2024
ՀՀ իշխող էլիտան մեսիջներ է հղում Մոսկվային իր լոյալության մասին
prev Նախորդ նորություն

Նորություններ գործընկերներից

Բակո Սահակյանն ու Արկադի Ղուկասյանը կներկայանա՞ն դատարան

Երևանի ընդհանուր իրավասության դատարանում շարունակվող ՀՀ 2-րդ նախագահ Ռոբերտ Քոչարյանի խափանման միջոցի հարցի քննության ժամանակ Ռոբերտ Քոչարյանի պաշտպանական խմբի անդամ, փաստաբան Հովհաննես Խուդոյանը դատարանում ընթերցեց Քոչարյանին կալանքից ազատելու վերաբերյալ Արցախի նախկին նախագահ Արկադի Ղուկասյանի ու գործող նախագահ Բակո Սահակյանի երաշխավորական նամակը:


«Երաշխավորում ենք, որ Արցախի Հանրապետության առաջին և ՀՀ երկրորդ նախագահ Ռոբերտ Քոչարյանի նկատմամբ որպես խափանման միջոց կալանավորումը դադարեցնելու դեպքում՝ վերջինս կդրսևորի պատշաճ վարքագիծ, չի խոչընդոտի գործի քննությանը, չի խուսափի վարույթ իրականացնող մարմին ներկայանալուց, չի կատարի Քրեական օրենսգրքով չթույլատրված արարք: Խնդրում ենք խափանման միջոց կալանավորումը փոխարինել ազատությունից չզրկելու հետ կապված խափանման միջոցով»,- ներկայացրեց փաստաբանը։


Aysor.am-ի փոխանցմամբ, դատավոր Դավիթ Գրիգորյանը հայտարարեց, որ երաշխավորություն ներկայացնող անձինք, ըստ օրենքի, պետք է ներկայանան դատարան ու պնդեն իրենց երախավորությունը։


Ի պատասխան, Խուդոյանը դատարանից ժամանակ խնդրեց պարզելու՝ արդյոք Արկադի Ղուկասյանը և Բակո Սահակյանը կարո՞ղ են այսօր ներկայանալ դատարան։


Հիշեցնենք, Արցախի Հանրապետության նախագահ Բակո Սահակյանը և երկրորդ նախագահ Արկադի Ղուկասյանը դիմել էին ՀՀ գլխավոր դատախազ Արթուր Դավթյանին՝ մայիսի 9-ին ընդառաջ ՀՀ երկրորդ նախագահ Ռոբերտ Քոչարյանի խափանման միջոցը փոխելու խնդրանքով:


 

ՀՀ ՊՆ պատվիրակությունը մեկնել է Մինսկ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար