Արարատ Միրզոյանի հետ հանդիպման ընթացքից և արդյունքներից գոհ եմ. Աշոտյան

117

Հանրապետական կուսակցության փոխնախագահ Արմեն Աշոտյանն արձագանքել է մամուլում առկա այն տեղեկությանը, թե օրերս ինքը գաղտնի այցելել  է Ազգային ժողով, որտեղ հանդիպել է ԱԺ նախագահ Արարատ Միրզոյանի հետ:


Աշոտյանը հաստատել է հանդիպման լուրը:


«Ի արձագանք այսօր մամուլում հրապարակված տեղեկատվությանը հայտնում եմ, որ՝


1. Իմ նախաձեռնությամբ հանդիպել եմ ԱԺ նախագահ Արարատ Միրզոյանի հետ:


2. Հանդիպումը նվիրված էր Հայաստանի արտաքին քաղաքականության և խորհրդարանական դիվանագիտության մի շարք հարցերին: Առավել մանրամասն, հասկանալի պատճառներով, ներկայացնելու կարիք չկա:


3. Հանդիպման ընթացքից և արդյունքներից գոհ եմ:


4. Հանդիպումը գաղտնի չէր, ԱԺ-ում գաղտնի հանդիպումներ չեն լինում, առնվազն մի քանի տասնյակ մարդ տեսնում է: Այսօրվա արտահոսքը դրա վկայությունն է:


5. Անկախ քաղաքական տարաձայնություններից կան պետական և ազգային կարևորության հարցեր, որոնց հետ կապված «ուսադիրներս» ոչ միայն ներում են գործող իշխանության հետ քննարկել երկրի համար արդիական հարցեր, այլևս պարտադրում են շարունակել ծառայությունս Հայրենիքին»,- գրել է նա Facebook-ի իր էջում:


 

Տպել

Թեմայի այլ նորություններ
Загрузка...