Փորձագետ. Տնտեսական խնդիրներն աշխատեցին Էրդողանի կուսակցության դեմ

Թուրքիայի տնտեսությունում առկա խնդիրներն ազդել են ՏԻՄ ընտրությունների ելքի վրա: Էրդողանի կուսակցության վարկանիշն անկում է ապրել արդյունաբերական քաղաքներում, այդ թվում Ստամբուլում՝ թուրքական տնտեսության սրտում: Այդ մասին հայտարարել է թուրք փորձագետ Մեհմեթ Փերինչեքը:

Նա նշել է, որ Էրդողանին նախկինում աջակցող ընկերությունները սննկացել են: Տնտեսությունում առկա ճգնաժամային վիճակն աշխատեց Արդարություն և զարգացում կուսակցության դեմ:

Ըստ նրա, ՏԻՄ ընտրությունների չեղարկումը շեղում է հիմնական խնդիրներից, ինչն էլ թուլացնում է Թուրքիան: Այդպիսի վիճակը ձեռնտու է ԱՄՆ-ին ու գյուլենականներին: