28.03.2024
Սահմանադրական դատարանը որոշում է կայացրել հօգուտ Ռոբերտ Քոչարյանի
prev Նախորդ նորություն

Նորություններ գործընկերներից

Հայաստանն ու ԱՄՆ-ն քննարկել են առևտրային համագործակցության հարցեր

ՀՀ տնտեսական զարգացման և ներդրումների նախարար Տիգրան Խաչատրյանն ընդունել է ԱՄՆ փոխպետքարտուղարի առևտրային քաղաքականության և բանակցությունների հարցերով տեղակալ Դեյվիդ Միլի ղեկավարած պատվիրակությանը։ Այս մասին հայտնում են նախարարության մամուլի ծառայությունից:


«Միշտ կարևորում ենք այն ուղղությունները, որոնք նպաստում են տնտեսությունում ներառականության աճին, և ԱՄՆ-ի հետ իրականացվող ծրագրերը հենց նման կարողությունների զարգացմանն են ուղղված։ Շատ ողջունելի է, որ առաջիկա աջակցության ծրագրերը թիրախավորելու են ենթակառուցվածքների զարգացումը և ՓՄՁ աջակցությանը», - ողջունելով հյուրերին, ասել է նախարար Խաչատրյանը։


ԱՄՆ պատվիրակության խնդրանքով նա ներկայացրել է տնտեսական նոր իրողությունները, որ հաստատվել են Հայաստանում։ Տնտեսական հետագա զարգացման հիմքերի առողջացման տեսանկյունից նախարարը կարևորել է հավասար մրցակցությունը, շուկաներում մուտքի ազատությունը և կոռուպցիայի բացառումը։ Տիգրան Խաչատրյանն ընդգծել է, որ Հայաստանի կառավարության քաղաքական կամքը այդ նպատակաների հարցում կասկածից վեր է։ Նախարարն անդրադարձել է նաև Կառավարության ծրագրային նպատակներին՝ կարևորելով տնտեսական աճի բևեռների վերադասավորումը։


«Երբ մենք խոսում ենք ներառական աճի մասին, նկատի ունեք միջնաժամկետ հատվածում տնտեսության այնպիսի կառուցվածքային փոփոխությունը, որը պետք է մասնակիցների միջև ավելի բաշխված դարձնի տնտեսական արդյունքները, որը պետք է անդրադառնա նաև արտահանման, ապրանքների շուկաների վրա։ «Արտահանումը շարունակելու է մնալ մեր տնտեսության հիմնական առանցքը, և շատ կարևոր է, որ Հայաստանի և ԱՄՆ-ի կառավարությունների միջև տնտեսական երկխոսության հիմնական հարցերից մեկը արտաքին առևտրի խնդիրներն են։ Առևտրային ընթացակարգերը լավագույն առաջադեմ փորձին համապատասխանեցնելով, կարելի է շոշափելի արդյունքներ գրանցել», - նշել է նախարարը։


ԱՄՆ փոխպետքարտուղարի առևտրային քաղաքականության և բանակցությունների հարցերով տեղակալ Դեյվիդ Միլը շնորհակալություն է հայտնել նախարարին խնդիրների համապարփակ ներկայացման համար և ուղղել նրան առանձին ուղղություններին վերաբերող հարցեր։


Կողմերն ընդգծել են մարդկային կապիտալի զարգացման ուղղությամբ իրականացվող քայլերի կարևորությունը, քննարկել նաև այս համատեքստում կրթական խնդիրներ։


ԱՄՆ առևտրի դեպարտամենտի Եվրասիայի առևտրային հարցերով նախարար-խորհրդական Մայքլ Լալլին անդրադարձել է առևտրային համագործակցության հարցերին, ինչպես նաև կարևորել Հայաստանում ամերիկյան ընկերությունների հետ համագործակցությունը։


Հանդիպման ընթացքում քննարկվել են նաև ԱՄՆ կողմից տրվող աջակցությանն առնչվող հարցեր։

Արցախի նախագահները Քոչարյանին կալանքից ազատելու խնդրանքով դիմել են ՀՀ գլխավոր դատախազին
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար